पुण्यातील सिंहगड रोड येथील विठ्ठलवाडी येथे मुकुंद गोसावी आणि त्यांची पत्नी विद्या हे दाम्पत्य राहतात. ४ ऑगस्ट रोजी पुण्याला पावसाने झोडपले आणि गोसावी यांच्या बैठ्या दोन खोलांच्या घरात पाणी शिरले. यामुळे त्यांच्या संसाराची संपूर्णपणे वाताहत झाली आहे. मुकुंद गोसावी हे प्रसिद्ध अभिनेते राजा गोसावी यांचे कनिष्ठ बंधू आहेत.

२०१९ पासून या दाम्पत्याच्या घरात तीन वेळा पाणी शिरले आहे. पाण्यामुळे घराची अवस्था बिकट झाली असून, प्रत्येक वेळी नव्याने संसार उभा करण्याचा त्यांना त्रास सहन करावा लागला आहे. या पुरामुळे घरातील आवश्यक वस्तू आणि सामानाचेही मोठे नुकसान झाले आहे, ज्यामुळे मुकुंद गोसावी आणि त्यांच्या पत्नीच्या जीवनात अडचणी निर्माण झाल्या आहेत.