मुंबईतील वरळीत एका भरधाव कारनं दुचाकीला धडक दिली होती. या धडकेत एका महिलेचा जागीच मृत्यू झाला होता. त्यानंतर कार चालवणारा मुख्य आरोपी मिहीर शाह फरार झाला होता. तर त्याला मदत केल्याप्रकरणी त्याचे वडील आणि शिवसेना शिंदे गटाचे उपनेते राजेश शाहांनाही अटक झाली होती. पण त्यांची जामिनावर सुटका झाली. तर, मिहीर शाहाला आज शहापूरमधून अटक करण्यात आली. आणि मिहीरसोबतच त्याला पळून जाण्यात मदत करणाऱ्या १२ जणांनाही पोलिसांनी बेड्या ठोकल्याची माहिती मिळत आहे.