- इलाक्षी गुप्ता

माझा कपड्यांमधील किंवा ड्रेसमधील आवडता प्रकार म्हणजे फिटेड जीन्स आणि टॉप हा होय. याचबरोबर भारतीय प्रकारामध्ये साडी मला अतिशय आवडते.

फॅशन करताना, ड्रेस घालताना किंवा साडी परिधान करताना ते तुम्हाला किती आवडते, तुम्हाला किती कम्फर्ट वाटतो या गोष्टी खूप महत्त्वाच्या आहेत. तुम्हाला त्यात कम्फर्ट वाटत नसेल, तर अजिबात घालू नका. तुम्ही ज्या आउटफिटमध्ये स्वतःला कम्फर्टेबल समजता, असे ड्रेस वा कपडे अवश्य परिधान करावेत. साडी नेसताना किंवा कोणताही ड्रेस घालताना रंगसंगती अतिशय महत्त्वाची आहे. कारण, तुमच्या रंगाला, तुमच्या व्यक्तिमत्त्वाला, तुमच्या शरिरयष्ठीला जो कलर सूट होईल, त्याच रंगांचे ड्रेस परिधान करावेत. साडी नेसताना तिची फिटिंग आणि मटेरिअल खूप महत्त्वाचे असते. आपल्या शरीरयष्टीला जो प्रकार सूट करतो, त्यालाच प्राधान्य द्यावे. 

सध्या जगामध्ये ट्रेंडिग काय आहे, सध्या चलती कशाची आहे, ही गोष्ट लक्षात घेऊन फॅशन करावी. माझाही हाच फॅशन फंडा आहे. याचबरोबर तुम्हाला काय आवडते, तुमच्या व्यक्तिमत्त्वाला काय सूट होते, हेही महत्त्वाचे आहे.  कपड्यांची खरेदी करताना आपण वेगवेगळ्या रंगांचे ड्रेस पाहतो. ते घालून पाहतो. त्यावेळी आपल्याला जे रंग सूट होतात, आपण त्या रंगांमध्ये उठून दिसतो, अशा प्रकारचे कपडे निवडावेत. तसेच, कलर कॉम्बिनेशन पाहणेही गरजेचे आहे. ब्राइट कलर, पिस्टल कलरही खूप छान दिसतात.

खरेतर माझी फॅशन आयकॉन कुणीही नाही. मला जे ड्रेस सूट होतात, मला जे कपडे आवडतात, छान दिसतात, तेच कपडे मी परिधान करते. मात्र, दीपिका पदुकोण, करिना कपूर यांची स्टाइल व कपडे आवडतात.

फॅशन टिप्स

• तुम्ही जे कपडे परिधान करणार आहेत, ते तुम्हाला पूर्ण कम्फर्टेबल वाटले पाहिजेत.

• आपले व्यक्तिमत्त्व कसे आहे, हे पाहूनच त्याला अनुसरून कपड्यांची निवड करावी.

• रंगांचे कॉम्बिनेशन खूप महत्त्वाचे आहे. कारण, त्यावरूनच आपले व्यक्तिमत्त्व उजळून निघते.

• ब्लॅक कलर माझा ऑल टाइम फेव्हरेट आहे. कारण, तो जवळपास सर्वांनाच चांगला दिसतो.

• आपले व्यक्तिमत्त्व खूपच बोल्ड किंवा खूप वेगळे दिसत असेल, अशा प्रकारचे कपडे घालणे टाळावेत.

(शब्दांकन : अरुण सुर्वे)