डी.वाय. पाटील विद्यापीठात नुकताच दांडिया रास ३.० नवरात्रोत्सव मोठ्या उत्साहात साजरा करण्यात आला. या कार्यक्रमाचे आयोजन सर्व विभागांच्या विद्यार्थी परिषदेच्या वतीने करण्यात आले होते.

नवरात्र हा नऊ दिवस चालणारा सृजन आणि श्रद्धेचा उत्सव आहे. नवरात्रीच्या पहिल्या दिवशी, आश्विन शुद्ध प्रतिपदेला घटस्थापना करून मडक्यात धान्य पेरले जाते आणि त्यावर अखंड नंदादीप प्रज्वलित केला जातो. दररोज सकाळ-संध्याकाळ आरती, फुलांची माळ आणि सार्वजनिक पूजनाचे सोपस्कार पार पाडले जातात. या काळात देवीची ‘सर्व मंगल मांगल्ये, शिवे सर्वार्थ साधिके, शरण्ये त्र्यंबके गौरी नारायणी नमोस्तुते’ अशी प्रार्थना केली जाते.

डी.वाय. पाटील अंबी विद्यापीठाचे कुलसचिव श्री. अशोक पाटील यांच्या मार्गदर्शनाखाली संपूर्ण कार्यक्रमाचे व्यवस्थापन यशस्वीरित्या पार पडले. उपस्थित सर्व विद्यार्थी आणि विद्यार्थिनींना गरबा व दांडिया खेळण्यासाठी आमंत्रित करण्यात आले होते. तसेच विद्यार्थ्यांनी विविध प्रकारचे स्टॉल उभारले होते, ज्यामध्ये खाद्यपदार्थांचाही समावेश होता. या प्रसंगी खाद्यरसिकांनी विविध स्वादिष्ट पदार्थांचा मनमुराद आस्वाद घेतला.