नसरापूर, ता. ३ : क्रांतीज्योती सावित्रीबाई फुले जयंतीचे औचित्य साधून विशेष कार्यक्रमाचे आयोजन करण्यात आले. या कार्यक्रमाला प्रमुख पाहुण्या म्हणून राजेश्वरी जानकीरामन (प्राचार्य किंग स्टोन सीबीएससी अंकुरम स्कूल हांडेवाडी) उपस्थित होत्या. कार्यक्रमाची सुरुवात क्रांतीज्योती सावित्रीबाई फुले यांच्या प्रतिमेला पुष्पहार अर्पण करून दिपप्रज्वलनाने झाली. यामध्ये मुख्य पाहुण्यांनी महिला व कर्करोग या विषयावर उपयुक्त माहिती दिली. त्यात त्यांनी कॅन्सरच्या लक्षणांपासून ते उपचार पर्यायांपर्यंत विविध बाबींवर प्रकाश टाकला. तसेच अठरावर्षा खालील मुलींना लसीकरण चे आयोजन करण्यात आले.

यावेळी प्रथमवर्ष डिप्लोमा विद्यार्थ्यांनी 'महिला सुरक्षा' या महत्त्वाच्या मुद्द्यावर आधारित सुंदर पथनाट्य सादर केले. पथनाट्याने महिलांच्या सुरक्षिततेबद्दल जागरूकता निर्माण करण्याचा संदेश दिला.

कार्यक्रमात सावित्रीबाई फुले यांच्या जीवनावर आधारित नृत्य आणि पोवाडा सादर करण्यात आले. विद्यार्थ्यांनी आपल्या कला आणि अभिनयाच्या माध्यमातून सावित्रीबाई फुले यांच्या कार्याची गोड आठवण जागवली.

कार्यक्रमाच्या दरम्यान, प्रमुख पाहुणे तसेच कॉलेजचे कार्याध्यक्ष संग्रामदादा थोपटे, सचिवा स्वरूपाताई थोपटे, इस्टेट मॅनेजर खामकर सर, डिग्री प्राचार्य एस. बी. पाटील, डिप्लोमा प्राचार्य प्रोफेसर डी.के. खोपडे, अनंत निर्मल ग्लोबल स्कुल प्राचार्य रुबीना शेख, प्रोफेसर डी.जे. ननावरे, प्रोफेसर एस.एस. खुटवड तसेच सर्व विभाग प्रमुख आणि इतर मान्यवर उपस्थित होते. प्राचार्यांनी सावित्रीबाई फुले यांच्या कार्याचे महत्त्व आणि त्यांचा भारतीय समाजावर झालेला प्रभाव यावर भाषण केले.

कार्यक्रमाच्या शेवटी डिग्री कॉलेज प्रथम वर्ष विभाग प्रमुख प्रोफेसर काळे मॅडम यांनी सर्व विद्यार्थ्यांचे, शिक्षकांचे आणि उपस्थित मान्यवरांचे आभार मानले.