सासवड, ता. ३ : पुणे जिल्हा शिक्षण मंडळाचे वाघिरे महाविद्यालय सासवड येथे क्रांतिज्योती सावित्रीबाई फुले यांची १९४ वी जयंती साजरी करण्यात आली. प्राचार्य डॉ. पंडित शेळके यांच्या मार्गदर्शनाखाली या कार्यक्रमाचे आयोजन उपप्राचार्य डॉ. संजय झगडे व उपप्राचार्य डॉ. बबन माने यांनी केले. या कार्यक्रमाची प्रस्तावना सांस्कृतिक विभागाचे प्रमुख डॉ नानासाहेब पवार यांनी केली. त्यानिमित्त त्यांनी सावित्रीबाई फुले यांच्या सामाजिक व शैक्षणिक कार्याची ओळख करून दिली.

उपप्राचार्य डॉ. संजय झगडे यांनी त्यांच्या कार्याचा आढावा घेत सामाजिक व शैक्षणिक मूल्ये रुजविणाऱ्या क्रांतिज्योती सावित्रीबाई फुले यांच्या विचारांचा वसा व वारसा पुढे घेऊन जाण्याची गरज आहे असे सांगितले. या प्रसंगी लघुलिपिका सौ मीरा चिकणे व श्री किशोर राऊत यांनीही सावित्रीबाई फुले यांच्या कार्याचा गौरवल्लेख केला. कार्यक्रमास कार्यालयीन अधीक्षक श्री अशोक कोंढवळे, जूनियर विभागाचे उपप्राचार्य श्री बाळासाहेब काळे सर्व प्राध्यापक , प्राध्यापिका, कार्यालयीन कर्मचारी व विद्यार्थी मोठ्या संख्येने उपस्थित होते.