क्रिप्टोकरन्सी एक्सचेंजने जीएसटी चुकवल्याचे उघड | Sakal
sakal

बोलून बातमी शोधा

Cryptocurrency
क्रिप्टोकरन्सी एक्सचेंजने जीएसटी चुकवल्याचे उघड

क्रिप्टोकरन्सी एक्सचेंजने जीएसटी चुकवल्याचे उघड

मुंबई : क्रिप्टोकरन्सीचे व्यवहार (cryptocurrency deal) करणाऱ्या वझीर-एक्स एक्सचेंजने (Wazir X Exchange) जीएसटी चुकवल्याचे उघड झाले आहे. सुमारे साडेचाळीस कोटी रुपयांची करचुकवेगिरी झाल्याचे मुंबई (पूर्व) च्या जीएसटी आयुक्तालयाला (GST Commission) आढळून आले आहे. (cryptocurrency exchange did not give gst says GST commission)

हेही वाचा: GST करकपातीचे स्वागत; पादत्राणांवरही करसवलतीची मागणी

या एक्सचेंजच्या व्यवहारांची छाननी करताना ही करचोरी उघड झाली. कर चुकवल्याने दंड आणि व्याजासह ४९ कोटी २० लाख रुपयेही आयुक्तालयाने त्यांच्याकडून वसूल केले. या एक्सचेंजवर शेअर बाजाराप्रमाणेच आभासी चलनाचे (क्रिप्टोकरन्सी) व्यवहार होतात. शेअर खरेदी विक्री प्रमाणेच खरेदीदार आणि विक्री करणारा या दोघांकडूनही दलाली (कमिशन) घेतली जाते. या व्यवहारांपैकी फक्त काही जमा रकमेवरच जीएसटी भरला जात होता. अन्य व्यवहारांवर करभरणा होत नव्हता, असे आढळून आले. या व्यवहारांवरील शुल्कावर १८ टक्के दराने जीएसटी देय आहे.

सध्या जीएसटी आयुक्तालयातर्फे ई कॉमर्स, ऑनलाईन गेमिंग आदी व्यवहारांची तपासणी केली जात आहे. मुंबई विभागातील सर्व क्रिप्टोकरन्सी एक्सचेंजच्या व्यवहारांची तपासणी केली जाईल, अशी माहिती मुंबईच्या जीएसटी आयुक्तालयातर्फे देण्यात आली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :GSTGST Council meeting
loading image
go to top