Badshah Masala : 'बादशाह मसाला' आता डाबर इंडियाच्या मालकीचा; इतक्या कोटींची झाली डील

डाबर इंडियाने बादशाह मसालामधील ५१ टक्के हिस्सा ५८७.५२ कोटी रुपयांना विकत घेण्याची घोषणा केली आहे. दोन्ही कंपन्यांनी जाहीर केलेल्या संयुक्त निवेदनात म्हटले आहे की, बादशाह मसाला प्रायव्हेट लिमिटेडमधील 51 टक्के भागभांडवल विकत घेण्याचा करार डाबरने केला आहे.

देशातील सुप्रसिद्ध कंपनी डाबर इंडिया आता मसाल्यांच्या व्यवसायात उतरण्याच्या तयारीत आहे. कंपनीने बादशाह मसाल्यांच्या ब्रँडमध्ये 51 टक्के हिस्सा खरेदी केला आहे. या करारानंतर आता बादशाह मसाला डाबर इंडियाकडे आहे. सप्टेंबर तिमाहीत डाबर इंडियाच्या नफ्यात घट झाली होती. सप्टेंबर तिमाहीचे निकाल जाहीर करण्यासोबतच कंपनीने बादशाह मसालामधील भागभांडवल विकत घेण्याचीही घोषणा केली आहे.

डाबर इंडियाने बादशाह मसालामधील ५१ टक्के भाग ५८७.५२ कोटी रुपयांना विकत घेण्याची घोषणा केली आहे. डाबर इंडियाचा फूड बिझनेस तीन वर्षांत 500 कोटी रुपयांपर्यंत वाढवण्याचा मानस आहे.

दोन्ही कंपन्यांनी जारी केलेल्या संयुक्त निवेदनात म्हटले आहे की, बादशाह मसाला प्रायव्हेट लिमिटेडमधील 51 टक्के भागभांडवल विकत घेण्यासाठी डाबरने करार केला आहे. या करारानंतर बादशाह मसाला आता डाबर इंडियाच्या मालकीचा असेल. निवेदनानुसार, बादशाह मसाला सध्या मिश्रित मसाले आणि खाद्यपदार्थांचे उत्पादन, विक्री आणि निर्यात करते.