नवी दिल्ली- देशातील सर्वात मोठी कार उत्पादक कंपनी मारुती सुझुकीच्या विक्रीत नोव्हेंबरमध्ये 1.7 टक्क्यांनी वाढ झाली आहे. कंपनीने 1,53,223 कारची विक्री केली आहे. मागील वर्षी याच कालावधीत कंपनीने 1,50,630 कार विकल्या होत्या. मारुती सुझुकीने मंगळवारी निवेदन जारी करुन ही माहिती दिली. नोव्हेंबरमध्ये देशांतर्गत बाजारातील विक्रीत किरकोळ वाढ होऊन ती 1,44,219 पर्यंत पोहोचली. नोव्हेंबर 2019 मध्ये देशांतर्गत बाजारात 1,43,686 कार विकल्या होत्या. कंपनीची मिनी कार, अल्टो आणि एस-प्रेसोची विक्री 15.1 टक्क्यांनी घटून 22,339 पर्यंत आली. गेल्या वर्षी याच महिन्यात 26,306 कारची विक्री झाली होती.
कॉम्पॅक्ट श्रेणीतील स्विफ्ट, सेलेरियो, इग्निस, बलेनो आणि डिझायरच्या विक्रीत 1.8 टक्क्यांनी घट झाली आहे. या श्रेणीतील 76.630 कारची विक्री झाली आहे. गेल्या वर्षी याच महिन्यात 78,013 कारची विक्री झाली होती. मध्यम आकाराची सेदान कार सियाझची विक्री 29.1 टक्क्यांनी वाढून 1,870 वर पोहोचली आहे. नोव्हेंबर 2019 मध्ये 1448 कारची विक्री झाली होती.
याच पद्धतीने यूटिलिटी वाहन व्हिटारा ब्रेझा, एस-क्रॉस आणि एर्टिगाची विक्री 2.4 टक्क्यांनी वाढून 27,753 पर्यंत पोहोचली आहे. जी गेल्यावर्षी याच महिन्यात 23,204 झाली होती. नोव्हेंबरमध्ये कंपनीची निर्यात 29.7 टक्क्यांनी वाढून 9,004 वर पोहोचली आहे. नोव्हेंबर 2019 मध्ये कंपनीने 6,944 वाहनांची निर्यात केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.