इंधन दरवाढीचा भडका! पेट्रोल-डिझेल पुन्हा महागलं

नवी दिल्ली : पेट्रोल-डिझेलच्या किंमतींमध्ये आज पुन्हा एकदा वाढ झाल्याचं पहायला मिळतंय. काल बुधवारी इंधनाचे दर स्थिर राहिले होते, त्यामुळे आता पेट्रोल-डिझेलचे दर स्थिर राहतील अशी आशा वाटत असतानाच आज पुन्हा एकदा भाव वाढवण्यात आले आहेत. भारतीय तेल कंपन्यांनी इंधनांचे नवे दर जाहीर केले आहेत. त्यानुसार, आज राजधानी दिल्लीमध्ये पेट्रोलचे भाव 35 पैश्यांनी वाढले आहेत, तर डिझेल देखील 35 पैश्यांनी वाढलं आहे. सातत्याने वाढणाऱ्या किंमतींमुळे इंधनांचे भाव रेकॉर्ड स्तरावर पोहोचले असून आतापर्यंतचे सर्वांत जास्त भाव पहायला मिळत आहेत. देशातल्या वेगवेगळ्या शहरात सध्या वेगवेगळे भाव आहेत.

दिल्लीमध्ये पेट्रोलच्या दरात 35 पैश्यांनी वाढ झाल्यानंतर पेट्रोलचा दर 104.79 रुपये प्रति लीटर झाला आहे. तर डिझेल 93.52 रुपये प्रति लीटर दराने विकलं जात आहे. मुंबईमध्ये देखील पेट्रोलच्या किंमतींमध्ये 35 पैश्यांनी वाढ झाली आहे. यानंतर मुंबईमध्ये पेट्रोलचा नवा दर 110.75 रुपये प्रति लीटर झालं आहे. तर डिझेलदेखील 73 पैश्यांनी महागलं असून 101.40 रुपये प्रति लीटरने विकलं जात आहे.

देशातील प्रमुख शहरातील पेट्रोल-डिझेलचे दर

शहर पेट्रोल (रुपये/लीटर) डिझेल (रुपये/लीटर)

नवी दिल्‍ली 104.79 93.52

मुंबई 110.75 101.40

कोलकाता 105.43 96.63

चेन्‍नई 102.10 97.93

पुणे 110.50 99.60