Petrol-Diesel Price: खुशखबर! पेट्रोल-डिझेल आणखी स्वस्त; जाणून घ्या आजचे दर | Sakal
sakal

बोलून बातमी शोधा

Petrol-Diesel Prices Reduced in Maharashtra
Petrol-Diesel Price: खुशखबर! पेट्रोल-डिझेल आणखी स्वस्त; जाणून घ्या आजचे दर

Petrol-Diesel Price: खुशखबर! पेट्रोल-डिझेल आणखी स्वस्त; जाणून घ्या आजचे दर

Petrol-Diesel Price: गेल्या अनेक दिवसांपासून महागाईने त्रस्त असलेल्या जनतेला दिलासा मिळाला आहे. केंद्र सरकारने पेट्रोल आणि डिझेलच्या अबकारी शुल्कात मोठी कपात केली असून, त्यानंतर पेट्रोलचे दर साधारणपणे 9.5 तर डिझेलचे दर 7 रुपयांनी खाली आले आहेत. दरम्यान महाराष्ट्र सरकारने पेट्रोल डिझेलच्या दरावरील मूल्यवर्धित कर (VAT) कमी केल्याने पेट्रोल 2 रुपये 8 पैसे आणि 1 रुपया 44 पैसे प्रती लिटर कपात केली आहे. यामुळे वार्षिक सुमारे 2500 कोटी रुपये राज्याच्या तिजोरीवर भार पडणार आहे. परंतु यामुळे ग्राहकांना मात्र दिलासा मिळाला आहे. मात्र, कच्च्या तेलाच्या वाढत्या किमतींमुळे बाजारातील विश्लेषकांनी प्रश्न उपस्थित करण्यास सुरुवात केली आहे. जागतिक बाजारपेठेत पेट्रोलियम कंपन्या पुन्हा पेट्रोल आणि डिझेलचे दर वाढवणार आहेत.

हेही वाचा: पेट्रोल-डिझेलवरील VAT राज्यानेही केला कमी; होणार 2500 कोटीचे नुकसान

वास्तविक, जागतिक बाजारात ब्रेंट क्रूडची किंमत आज प्रति बॅरल 113 डॉलरच्या जवळ पोहोचली आहे. मुख्य आर्थिक सल्लागारांनी आधीच सांगितले आहे की जर कच्चे तेल 110 डॉलरच्या वर राहिले तर कंपन्यांना पुन्हा पेट्रोल आणि डिझेलच्या किमती वाढवण्यास भाग पाडले जाईल. आतापर्यंत सरकारवर दबाव होता, कारण त्यामुळे महागाई आणखी अनियंत्रित होऊ शकली असती. पण, केंद्राकडून अबकारी शुल्क आणि राज्यांनी व्हॅट कमी केल्याने किमती कमी झाल्या असून, पेट्रोलियम कंपन्यांना आता पुन्हा दर वाढवण्याची संधी मिळू शकते. सध्या दिल्लीत पेट्रोल 96.72 रुपये आणि मुंबईत 109.27 रुपये दराने विकले जात आहे कारण महाराष्ट्र सरकारनेही पेट्रोलवरील व्हॅट 2.08 रुपये आणि डिझेल 1.44 रुपये प्रति लिटरने कमी केला आहे.

हेही वाचा: Petrol-Diesel Price: पेट्रोल 9 तर डिझेल 7.5 रुपयांनी स्वस्त; जाणून घ्या तुमच्या शहरातील दर

चारही महानगरांमध्ये पेट्रोल आणि डिझेलचे दर-

दिल्ली पेट्रोल 96.72 रुपये आणि डिझेल 89.62 रुपये प्रति लिटर

मुंबई पेट्रोल 109.27 रुपये आणि डिझेल 95.84 रुपये प्रति लिटर

चेन्नई पेट्रोल 102.63 रुपये आणि डिझेल 94.24 रुपये प्रति लिटर

कोलकाता पेट्रोल 106.03 रुपये आणि डिझेल 92.76 रुपये प्रति लिटर

अशा प्रकारे घरबसल्या तेलाच्या किंमती तपासा-

या वेबसाइटवर क्लिक करा https://iocl.com/petrol-diesel-price किंवा Google च्या प्ले स्टोअरवरून IOC चे अ‍ॅप डाउनलोड करा. तसेच 9224992249 वर एसएमएस करा. यासाठी RSP-स्पेस-पेट्रोल पंप डीलरचा कोड लिहून 9224992249 या क्रमांकावर एसएमएस करावा लागेल. अशा पद्धतीने तुम्ही पेट्रोल डिझेलच्या किमती तपासू शकता

Web Title: Petrol Diesel Price Updates 23rd May 2022

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..