Petrol-Diesel Price: कच्च्या तेलाच्या किंमतीत वाढ, जाणून घ्या पेट्रोल डिझेलचे दर

देशातील प्रमुख तेल कंपन्यांनी पाच राज्यांच्या निवडणूक निकालानंतर 22 मार्चपासून इंधनाचे दर वाढवले होते. 22 मार्च ते 6 एप्रिलपर्यंत कंपन्यांनी प्रति लिटर 10 रुपयांची वाढ केली. 6 एप्रिल रोजी कंपन्यांकडून शेवटची वाढ 80 पैसे प्रति लिटर होती. तेव्हापासून आंतरराष्ट्रीय बाजारात कच्च्या तेलाच्या वाढत्या किमतींमुळे देशांतर्गत बाजारात तेलाच्या किमती स्थिर आहेत.

देशातील प्रमुख पेट्रोलियम कंपन्यांकडून आज इंधनाचे दर जारी करण्यात आले आहेत. आज देखील पेट्रोल, डिझेलचे दर (Petrol diesel price) स्थिर असून, त्यामध्ये कोणताही बदल करण्यात आलेला नाही. सलग गेल्या पंधरा दिवसांपासून इंधनाच्या दरात कोणताही बदल करण्यात आलेला नाही. (petrol diesel prices update today)

एकीकडे आंतरराष्ट्रीय बाजारात पुन्हा एकदा कच्च्या तेलाचे दर (Crude oil price)वाढू लागले आहेत. मात्र भारतात पेट्रोल, डिझेलचे दर (Petrol Diesel rate today) स्थिर आहेत. 22 मार्च ते 6 एप्रिल या काळात पेट्रोल, डिझेलच्या दरांमध्ये मोठी भाववाढ पहायला मिळाली होती. मात्र त्यानंतर दरात कोणताही बदल करण्यात आलेला नाही.

पेट्रोलियम कंपन्यांनी जारी केलेल्या नव्या दरानुसार आज राजधानी दिल्लीमध्ये पेट्रोलचा दर प्रति लिटर 105.41 रुपये लिटर आहे तर डिझेलचा दर प्रति लिटर 96.67 रुपये लिटर आहे. मुंबईमध्ये पेट्रोलचा दर प्रति लिटर 120.51 रुपये असून, डिझेल प्रति लिटर 104.77 रुपये लिटर आहे. कोलकातामध्ये पेट्रोल 115.12 रुपये आहे, तर एक लिटर डिझेलचा दर 99.83 रुपये लिटर आहे