Post Office Scheme : दररोज 95 रुपये गुंतवा, मॅच्युरिटीवर मिळतील14 लाख; कसं ते घ्या जाणून

Post Office Scheme : प्रत्येकाला आपले भविष्य आर्थिकदृष्ट्या सुरक्षित करायचे असते. म्हणूनच लोक वेगवेगळ्या प्रकारच्या बचत योजनांमध्ये गुंतवणूक करतात. पोस्ट ऑफिस देखील अनेक प्रकारच्या बचत योजना चालवते. देशातील करोडो लोकांनी पोस्ट ऑफिस योजनांमध्ये गुंतवणूक केली आहे.

कारण त्यात गुंतवलेली रक्कम सुरक्षित राहते असा समज आहे. पोस्ट ऑफिसच्या अनेक लोकप्रिय योजना आहेत, त्यापैकी एक सुमंगल ग्रामीण पोस्टल जीवन विमा योजना (Sumangal Rural Postal Life Insurance) आहे. ही योजना विशेषतः ग्रामीण भागासाठी आहे.

10 लाख रुपयांपर्यंतचा विमा :

19 ते 45 वर्षे वयोगटातील कोणतीही व्यक्ती सुमंगल ग्रामीण पोस्टल लाइफ इन्शुरन्स योजनेचा लाभ घेऊ शकते. या योजनेत 10 लाख रुपयांपर्यंतचा विमा उपलब्ध आहे. या योजनेत दोन मॅच्युरिटी कालावधी आहेत. पॉलिसीधारक 15 वर्षे किंवा 20 वर्षांचा मॅच्युरिटी कालावधी निवडू शकतो.

हेही वाचा : Love Jihad: प्रेमाला धर्म आहे...?

15 वर्षांच्या मॅच्युरिटी कालावधी अंतर्गत, 6,9 आणि 12 वर्षे पूर्ण झाल्यावर विम्याच्या रकमेच्या 20-20 टक्के रक्कम परत मिळेल. तर, 20 वर्षांच्या मॅच्युरिटीवर, विमाधारकाला 8, 12, 16 वर्षे पूर्ण झाल्यावर पैसे परत मिळतात. उर्वरित 40 टक्के रक्कम मॅच्युरिटीवर बोनस उपलब्ध आहे.

25 वर्षांच्या व्यक्तीने 7 लाख रुपयांच्या विमा रकमेसह 20 वर्षांची पॉलिसी घेतल्यास, त्याला दररोज 95 रुपये प्रीमियम भरावा लागेल. एका महिन्यात 2,850 रुपये आणि 6 महिन्यांत 17,100 रुपये होतात. मॅच्युरिटी झाल्यावर ही रक्कम 14 लाख रुपये होईल.