बाजार सुरू होण्याआधी जाणून घ्या आज कोणते 10 शेअर्स करतील परफॉर्म?

सोमवारी बाजारात तेजी होती. चागंले जागतिक संकेत, जून तिमाहीचे चांगले निकाल आणि मजबूत वाहन विक्री आकड्यांमुळे बाजारातील सकारात्मक वातावरण होते. याशिवाय जुलै महिन्यातील मजबूत जीएसटी कलेक्शन आणि पीएमआयच्या आकडेवारीत झालेली वाढ यामुळेही बाजाराला सपोर्ट मिळाला.

व्यवहाराच्या शेवटी, सेन्सेक्स 545.25 अंकांच्या म्हणजेच 0.95 टक्क्यांच्या वाढीसह 58,115.50 वर बंद झाला. दुसरीकडे, निफ्टी 181.80 अंकांच्या म्हणजेच 1.06 टक्क्यांच्या वाढीसह 17,340.05 वर बंद झाला.

आज कशी असेल शेअर बाजाराची स्थिती ?

बाजार तेजीत आहे आणि बुल्स 17,000-17,500 च्या दिशेने सतत पुढे जाण्याचा विचार करत असल्याचे LKP सिक्युरिटीजचे रुपक डे म्हणाले. जोपर्यंत निफ्टी 17025 वर त्याच्या 200-DMA वर राहील तोपर्यंत तो तेजीत राहील. येत्या काळात, निफ्टीला 17000 वर मजबूत सपोर्ट दिसतो. वरच्या बाजूला, निफ्टीसाठी पहिला रझिस्टंस 17500 वर दिसत आहे. जर निफ्टीने हा अडथळा पार केला तर तो 18000 ची पातळीवर जाऊ शकतो.

चांगले जागतिक संकेत, मजबूत ऑटो विक्रीचे आकडे यामुळे बाजारात चांगले वातावरण होत असे कोटक सिक्युरिटीजचे श्रीकांत चौहान म्हणाले. बाजाराच्या नजरा आता आरबीआयच्या धोरणावर असतील. FII च्या गुंतवणुकीमुळे गुंतवणूकदार खूश आहेत. निफ्टी 200 दिवसांच्या SMA वर आहेआणि इंट्राडेमध्ये हायर हाय आणि हायर लो फॉर्मेशन कायम आहे. आता बाजार ओव्हरबॉट झोनमध्ये दिसत आहे. त्यामुळे येत्या काळात इंट्राडेमध्ये करेक्शन होण्याची शक्यता नाकारता येत नाही.

आजचे टॉप 10 शेअर्स कोणते ?
एसबीआय लाईफ (SBILIFE)
टाटा स्टील (TATASTEEL)
हिन्दाल्को (HINDALCO)
सनफार्मा (SUNPHARMA)
कोल इंडिया (COALINDIA)
आयआरसीटीसी (IRCTC)
टीव्हीएस मोटर्स (TVSMOTORS)
गोदरेज प्रॉपर्टीज (GODREJPROP)
भारतीय कंटेनर निगम लिमिटेड (CONCOR)
एमफॅसिस (MPHASIS)

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.