रिलायन्सची गुजरातमध्ये ६ लाख कोटींची गुंतवणूक, १० लाख लोकांना मिळणार रोजगार | Sakal
sakal

बोलून बातमी शोधा

Reliance

गुजरात सरकारसोबत जवळपास ६ लाख कोटी रुपयांच्या गुंतवणुकीच्या करारावर स्वाक्षरी करण्यात आल्याचंही रिलायन्सच्यावतीने सांगण्यात आलं आहे.

मुकेश अंबानींच्या रिलायन्सची गुजरातमध्ये ६ लाख कोटींची गुंतवणूक

नवी दिल्ली - रिलायन्स (Reliance) उद्योग समुह आता ग्रीन एनर्जी म्हणजेच हरित उर्जेसह आणखी काही प्रकल्पामध्ये मोठी गुंतवणूक करणार आहे. यासंदर्भात रिलायन्सने गुरुवारी माहिती दिली. रिलायन्स पुढच्या १० ते १५ वर्षात गुजरातमध्ये (Gujrat) हरित उर्जा (Green Energy) आणि इतर काही प्रकल्पामध्ये मिळून ५.९५ लाख कोटी रुपयांची गुंतवणूक करणार आहे. यामध्ये राज्यात एक लाख मेगावॅट अक्षय उर्जा प्रकल्पासह ग्रीन हायड्रोजन इकोसिस्टिमच्या विकासाचा प्रकल्प असणार आहे. ही गुंतवणूक ५ लाख कोटी रुपयांची असणार आहे.

सौर फोटोव्होल्टेइक मॉड्युल्स, हायड्रोजन उत्पादन निर्मितीसाठी इलेक्ट्रोलायजर, एनर्जी साठवण्यासाठी बॅटरी, इंधनाचे कारखाने इत्यादींच्या उभारणीसाठी ६० हजार कोटी रुपयांची गुंतवणूक केली जाणार आहे. याशिवाय पुढच्या पाच वर्षात जवळपास २५ हजार कोटी रुपये हे सध्या सुरु असलेले आणि नवीन प्रकल्पांमध्ये गुंतवण्यात येणार असल्याची माहिती रिलायन्सने दिली आहे.

जिओला ५ जी मध्ये रुपांतरीत करण्यासाठीही रिलायन्सच्या हालचाली सुरु आहेत. त्यांचे स्वत:चे असे टेलिकॉम नेटवर्क 5जी मध्ये रुपांतरीत करण्यासाठी पाच वर्षांत ७ हजार ५०० कोटी रुपये गुंतवले जातील. तसंच रिलायन्स रिटेलमध्ये ३ हजार कोटींच्या गुंतवणुकीचा प्रस्तावही देण्यात आला आहे.

हेही वाचा: शेअर बाजारात तेजी कायम, टॉप 10 शेअर्सवर ठेवा आज नजर

रिलायन्सने व्हायब्रंट गुजरात समिट २०२२ च्या कार्यक्रमात गुंतवणुकीचा करार केला. गुजरात सरकारसोबत जवळपास ६ लाख कोटी रुपयांच्या गुंतवणुकीच्या करारावर स्वाक्षरी करण्यात आल्याचंही रिलायन्सच्यावतीने सांगण्यात आलं आहे. रिलायन्सच्या या गुंतवणुकीमुळे गुजरातमध्ये सुमारे दहा लाख रोजगाराच्या संधी निर्माण होतील अशी अपेक्षा व्यक्त करण्यात आली आहे. याबाबत कंपनीने गुजरात सरकारशी चर्चा करून कच्छ, बनासकांठा आणि धोलेरा याठिकाणी १ लाख मेगावॅट क्षमतेच्या प्रकल्पांसाठी जमिन शोधायला सुरुवात केली आहे. यात कच्छमध्ये रिलायन्सने ४.५ लाख एकर जमीन हवी असल्याची मागणी राज्य सरकारकडे केली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top