तामिळनाड मर्कंटाइल बँकेच्या आयपीओला सेबीकडून मंजुरी, अधिक माहिती जाणून घ्या

खासगी क्षेत्रातील बँक तामिळनाडू मर्कंटाइल बँकच्या (Tamilnad Mercantile Bank) IPO ला SEBI कडून मंजुरी मिळाली आहे. या IPO मध्ये, 15827495 इक्विटी शेअर्सचा नवीन इश्यू असेल तर 12505 इक्विटी शेअर्सची ऑफ-फॉर सेल असेल. या ऑफर फॉर सेलमध्ये, डी प्रेम पलानिवेल, प्रिया राजन, प्रभाकर महादेव बोबडे, नरसिंहन कृष्णमूर्ती, एम मल्लीगा राणी आणि सुब्रमण्यम वेंकटेश्वरन अय्यर त्यांचे शेअर्स विकतील. तमिळनाडू मर्कंटाइल बँकेचे (Tamilnad Mercantile Bank) मुख्यालय तुतीकोरीन, तमिळनाडूमध्ये आहे. बँक या IPO च्या ताज्या इश्यूमधून मिळालेल्या पैशांचा वापर तिचा टियर 1 कॅपिटल बेस वाढवण्यासाठी आणि भविष्यातील भांडवली आवश्यकता पूर्ण करण्यासाठी करेल.

तामिळनाडू मर्कंटाइल बँक ही देशातील सर्वात जुन्या खासगी बँकांपैकी एक आहे. त्याचा इतिहास सुमारे 100 वर्षांचा आहे. हे सूक्ष्म लघु आणि मध्यम उद्योग, कृषी आणि किरकोळ ग्राहकांना आर्थिक आणि बँकिंग सेवा प्रदान करते. 30 जून 2021 पर्यंत, बँकेच्या 509 शाखा होत्या त्यापैकी 106 शाखा ग्रामीण भागात होत्या तर 247 निमशहरी भागात होत्या. तर 80 शाखा शहरी भागात आणि 76 महानगरांमध्ये होत्या. बँकेचा व्यवसाय गुजरात, महाराष्ट्र, कर्नाटक आणि आंध्र प्रदेशमध्ये पसरलेला आहे. ऍक्सिस कॅपिटल, मोतीलाल ओसवाल इन्व्हेस्टमेंट ऍडव्हायझर्स आणि एसबीआय कॅपिटल मार्केट्स हे इश्यूचे बुक रनिंग लीड मॅनेजर आहेत."

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.