Ashok Leyland Stock : अडीच वर्षात तीन पट वाढ, आता हा स्टॉक आणखी वाढण्याची शक्यता

Ashok Leyland Stock : अशोक लेलँड (Ashok Leyland) या ऑटो क्षेत्रातील दिग्गज कंपनीने गेल्या अडीच वर्षांत गुंतवणूकदारांच्या पैशांत तिप्पटीहून अधिक वाढ केली आहे. गेल्या दोन दिवसांपासून विक्रीचा दबाव दिसून येत आहे. मात्र, पुढे तेजीचा कल असल्याचे बाजारातील तज्ज्ञांचे मत आहे.

देशांतर्गत ब्रोकरेज फर्म मोतीलाल ओसवाल यांनी अशोक लेलँडमध्ये (Ashok Leyland) गुंतवणुकीसाठी 185 रुपयांचे टारगेट निश्चित केले आहे. सध्याच्या किमतीच्या तुलनेत ते 24 टक्क्यांनी अधिक आहे. त्याचे शेअर्स बीएसईवर 149.35 रुपयांवर ट्रे़ड करत आहेत. त्याची मार्केट कॅप 43,851.06 कोटी रुपये आहे.

अशोक लेलँडचा कॉस्ट स्ट्रक्चर चांगला आहे आणि त्यांच्याकडे वाजवी कर्ज मिळत असल्याचे ब्रोकरेज फर्म मोतीलाल ओसवालच्या विश्लेषकांचे म्हणणे आहे. याशिवाय ट्रकच्या वॉल्यूंटरी स्क्रॅपिंगमुळे व्यावसायिक वाहनांची मागणी वाढेल, त्याचा फायदा अशोक लेलँडला होईल. त्यामुळेच यामध्ये 185 रुपयांच्या टारगेटसह गुंतवणूक करण्याचा सल्ला ब्रोकरेज फर्मने दिला आहे.

12% डिस्काउंटवर मिळतोय शेअर

या वर्षी 8 मार्च 2022 रोजी अशोक लेलँडचे शेअर्स 93.20 रुपयांवर होते, जे एका वर्षातील विक्रमी नीचांकी आहे. यानंतर खरेदीचा ट्रेंड आला आणि 6 सप्टेंबर 2022 पर्यंत, 82 टक्क्यांच्या वाढीसह, त्याची किंमत 169.40 रुपयांवर पोहोचली. गेल्या 52 आठवड्यांतील हा विक्रमी उच्चांक आहे. यानंतर, शेअर्सचा तेजीचा ट्रेंड थांबला आणि आता हा शेअर 149.35 रुपयांवर आहे, जी एका वर्षाच्या विक्रमी उच्चांकावरून 12 टक्क्यांनी सवलत आहे.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.