Share Market: सुरुवातीच्या घसरणीनंतर शेअर बाजार सावरला, Sensex 59,085 अंकावर स्थिरावला

शेअर बाजारात आजही अस्थिरता दिसून आली आहे. शेअर बाजारातील आजच्या व्यवहाराची सुरुवात घसरणीसह झाली सुरुवातीच्या घसरणीनंतर शेअर बाजार सावरला. कालही शेअर बाजाराच्या पहिल्या सत्राची सुरवात घसरणीसह झाली होती. त्यानंतरच्या काही वेळेत बाजार सावरला होता.

आज सकाळच्या घसरणीनंतर शेअर बाजार पुन्हा एकदा सावरल्याचं दिसून आलं आहे. शेअर बाजार बंद होताना शेअर बाजाराचा निर्देशांक सेन्सेक्समध्ये 54.13 अंकांची वाढ झाली तर निफ्टीमध्ये 27.45 अंकांची वाढ झाली. सेन्सेक्समध्ये 0.09 टक्क्यांची वाढ होऊन तो 59,085 अंकांवर स्थिरावला. तर निफ्टीमध्ये 0.16 टक्क्यांची वाढ होऊन तो 17,604 अंकांवर स्थिरावला.

आज बाजारात सुरुवातीला शेअर बाजाराचा निर्देकांक सेन्सेक्स 224 अंकांच्या घसरणीसह 58,806 अंकांवर खुला झाला होता. तर, निफ्टी निर्देशांक 55 अंकांच्या घसरणीसह 17,509 अंकांवर खुला झाला होता. त्यानंतर बाजार काही प्रमाणात सावरल्याचे चित्र होते.