सलग तीन दिवसाच्या उसळीनंतर शेअर बाजारात घसरण

आज शेअर मार्केटच्या (Share Market) शेवटच्या दिवशी सुरुवातीच्या सत्रात सेन्सेक्स (Sensex) 611.54 अंकांनी 58,314.49 वर घसरला तर निफ्टी (Nifty) 168.95 अंकांनी 17,436.90 वर घसरला. या आठवड्यात शेअर मार्केट मध्ये मंगळवारपासून सेनेक्स उसळताना दिसत होता मात्र आज सेनेक्स सुरवातीच्या सत्रात 611.54 अंकांनी घसरला. (Today's Share Market News)

सेन्सेक्स-निफ्टी सोमवारी घसरणीसह बंद झाला होता. सोमवारी जवळपास सर्वच क्षेत्रात कमजोरी दिसून आली होती. सलग तीन दिवस शेअर बाजारात पडझड सुरू होती. मात्र अखेर शेअर बाजार मंगळवारी सावरला आणि तेजीसह बंद झाला. मंगळवारी बँक आणि मेटल शेअर्समध्ये खरेदी दिसून आली होती. बुधवारी शेअर मार्केटमध्ये सुरवातीला उच्चांक पाहायला मिळाला होता. त्यानंतर दिवसभराच्या उच्चांकीनंतर अखेर सलग दुसऱ्या दिवशी उसळी घेत बंद झाला होता. बुधवारी सेनेक्स 657.39 अंकांच्या म्हणजेच 1.14 टक्क्यांच्या वाढीसह 58,465.97 वर बंद झाला. दुसरीकडे, निफ्टी (Nifty) 197.05 अंकांच्या अर्थात 1.14 टक्क्यांच्या वाढीसह 17463.80 वर बंद झाला होता. देशांतर्गत शेअर बाजाराची वाढ गुरुवारी सलग तिसऱ्या दिवशीही कायम राहिली. BSE सेन्सेक्स 400 हून अधिक अंकांनी वाढला, तर NSE निफ्टीने 17,600 अंक ओलांडला. (Indian Share Market Highlights)