Share Market: दिवसाच्या सुरुवातीला शेअर मार्केटमध्ये तेजी; सेन्सेक्स ५० हजारांच्या पुढे 

नवी दिल्ली- 1 फेब्रुवारीला अर्थमंत्री निर्मला सीतारमण यांनी अर्थमंत्री म्हणून तिसऱ्यांदा संसदेत बजेटचं सादरीकरण केलं. बजेट सादरीकरणाच्या आधी, सादर करताना आणि सादर करुन झाल्यावर देखील शेअर बाजारात तेजी दिसून आली. सादरीकरणाच्या तिसऱ्या दिवशी देखील शेअर बाजारात घोडदौड तेजीत सुरु आहे. दिवसाच्या सुरुवातीला सेन्सेक्स 50 हजारांच्या पार गेला आहे. सकाळी साडे नऊच्या सुमारास सेन्सेक्सने 350 अंकाची उसळी घेतली. निफ्टी-50 मध्येही वाढ झाल्याचे पाहायला मिळाली असून 10 अंकांनी वधारला आहे. सेन्सेक्स 50,231.39 अंकावर पोहोचला आहे, तर एनएसई निफ्टी 14,645 वर गेला आहे.

राष्ट्रवादीचा फडणवीसांना धक्का ते ग्रेटा-रिहानाचा शेतकरी आंदोलनाला पाठिंबा, ठळक...

गेल्या काही दिवसांपासून शेअर मार्केटमध्ये तेजी पाहायला मिळत आहे. शेअर मार्केट ४९ हजारांच्या पुढे कामगिरी करत आहे. मंगळवारी सेन्सेक्स ५० हजारांच्या पुढे गेला होता. बॉम्बे स्टॉक एक्सचेंजमधील सेन्सेक्स तब्बल 1403 अंकांनी वधारला होता. निफ्टी 406 अंकानी वरती येऊन 14,687.35 वर स्थिर झाली. यापूर्वी 21 जानेवारीला सेनसेक्स 223.17 अकांनी वाढून 50,015.29 वर स्थिरावला होता. तर निफ्टी 14,707.70 च्या स्तरावर गेली होती.

अ‍ॅमेझॉन प्रचंड नफा कमावत असताना जेफ बेझोस यांचा मोठा निर्णय

गुंतवणुकदारांना 6.53 लाख कोटी रुपयांचा फायदा

अर्थसंकल्पावेळी शेअर बाजारातमध्ये  तेजीचा सर्वाधिक फायदा गुंतवणूकदारांना झाला. दिवसभरात त्यांना 6.53 लाख कोटी रुपयांचा फायदा झाला. शुक्रवारी बॉम्बे स्टॉक एक्सचेंजवर लिस्टेड असणाऱ्या सर्व कंपन्यांचे एकूण मार्केट कॅप 1.86 लाख कोटी रुपयांवर होते. मात्र, सोमवारी दिवसभराच्या कारभारानंतर ते वाढून 1.92 लाख कोटी रुपयांच्या पार गेलं. याप्रकारे फक्त एका दिवसाच्या कारभारानंतर गुंतवणूकदारांना 6.53 लाख कोटी रुपयांचा फायदा झाला असल्याचं पाहायला मिळालं.