Share Market: शेअर बाजारात विक्रीचा जोर कायम, सेन्सेक्स निफ्टी घसरला | Sakal
sakal

बोलून बातमी शोधा

share marketing latest news

Share Market: शेअर बाजारात विक्रीचा जोर कायम, सेन्सेक्स निफ्टी घसरला

शेअर बाजारात विक्रीचा जोर सुरूच आहे. शेअर बाजारात आठवड्याच्या शेवटच्या दिवशीही घसरण पाहायला मिळाली आहे. शेअर बाजारात सेन्सेक्समध्ये 60 अंकांची घसरण दिसून आली तर निफ्टीमध्ये 22 अंकांची वाढ दिसून आली. आज सेन्सेक्स 0.11 टक्क्यांच्या तेजीसह 59,388 वर सुरू झाला तर निफ्टी 0.12 टक्क्यांच्या तेजीसह 17,696 वर सुरू झाला आहे. आज शेअर बाजारातील 27 शेअरमध्ये चांगली तेजी असून 22 शेअर घसरणीसह व्यवहार करत आहेत. काल दिवसभरात शेअर बाजारात अस्थिरता दिसून आली आहे.

आज कशी असेल बाजाराची स्थिती ?

निफ्टी रेंजमध्ये व्यवहार करताना दिसल्याचे एलकेपी सिक्युरीटीजचे रुपक डे म्हणाले. बाजार बंद होण्याच्या वेळी निफ्टी 17700 च्या वर बंद झाला. डेली चार्टवर निफ्टी घसरणीच्या ट्रेंड लाइनच्या खाली आला. हा कमकुवत अपट्रेंड दाखवत आहे. डेली चार्टवरील डेली आरएसआय बियरीश क्रॉसओव्हर दाखवत आहे, जो फॉलिंग मोमेंटमचे संकेत देत आहे.

जोपर्यंत इंडेक्स 17700 च्या वर बंद होण्यात यशस्वी होईल तोपर्यंत नजीकचा ट्रेंड सकारात्मक दिशेने बाजूला राहू शकतो. पण, तो 17700 च्या खाली आला तर बाजारात करेक्शन दिसून येईल. 17700 च्या खाली घसरल्यास निफ्टी 17500/17350 पर्यंत घसरू शकतो. वरच्या बाजूस, 17850-17900 वर रझिस्टंस दिसून येतो.

गुरुवारी अर्थात आज सुरुवातीच्या व्यापारात फेड बैठकीच्या निकालावर बाजार सगळ्यात आधी रिऍक्ट होईल असे रेलिगेअर ब्रोकिंगचे अजित मिश्रा म्हणाले. याशिवाय आजच्या विकली एक्सपायरीमुळे बाजारात अस्थिरता वाढेल असे ते म्हणाले.

हेही वाचा: Share Market: अमेर‍िकन बाजारातील परिणामांमुळे शेअर बाजारात तेजी, सेन्सेक्स 578 अंकांनी वधारला

आजचे टॉप 10 शेअर्स कोणते ?

ब्रिटानिया (BRITANNIA)
हिंदुस्थान युनिलिव्हर (HINDUNILVR)
आयटीसी (ITC)
अपोलो हॉस्पिटल (APPOLOHOSP)
बजाज फायनान्स (BAJAJFIN)
एल अँड टी टेक्नोलॉजी सर्व्हिसेज (LTTS)
पेज इंडिया (PAGEINDIA)
ट्रेंट (TRENT)
बालक्रिष्ण इंडस्ट्रीज (BALKRISIND)
झी एन्टरटेन्मेंट लिमिटेड (ZEEL)

Web Title: Share Market Opening Update 22 September 2022

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..