आठवडाभर शेअर बाजारात अस्थिरता, शेवटच्या दिवशीही पडझड कायम

Todays Share Market News: आठवडाभर शेअर बाजारात अस्थिरता दिसून आली. आज आठवड्याच्या शेवटच्या दिवशी शेअर बाजार घसरणीसह दिसून आला. सेन्सेक्स 260 अंकाच्या घसरणीसह 52,750 वर सुरू झाला तर निफ्टी 93 अंकाच्या घसरणीसह 15,680 वर सुरू झाला. आज शेअर बाजारात विक्रीचा जोर कायम राहील मात्र गुंतवणूकदारांना धाकधूक असेल.

गुरुवारी बाजारात प्रचंड अस्थिरता होती. व्यवहाराच्या शेवटी बाजार सपाट बंद झाला. व्यवहाराच्या शेवटी सेन्सेक्स 8.03 अंकांनी म्हणजेच 0.02 टक्क्यांनी घसरून 53,018.94 वर बंद झाला. दुसरीकडे, निफ्टी 18.85 अंकांनी म्हणजेच 0.12 टक्क्यांनी घसरून 15,780.25 वर बंद झाला.

निफ्टी सध्या साईडवेज ट्रेडमध्ये असल्याचे LKP सिक्युरिटीजचे कुणाल शाह म्हणाले. यासाठी 15,700 वर सपोर्ट आणि 15,900 वर रझिस्टंस आहे. जर निफ्टीने वरच्या बाजूने 15,900 ची पातळी तोडली तर बाजारात शॉर्ट कव्हरिंग रॅली दिसू शकते आणि निफ्टी 16200 च्या दिशेने जाताना दिसेल. दुसरीकडे, 15,700 चा सपोर्ट तुटला तर तो 15,500-15,400 च्या दिशेने जाताना दिसेल. याच रेंजमध्ये फ्रेस पुट रायटींग पाहायला मिळाली.

कमकुवत जागतिक संकेत आणि परदेशातील गुंतवणूकदारांनी विक्री सुरू ठेवल्याने बाजाराचा कल कमजोर राहिला. सध्या बाजारात मोठ्या प्रमाणात अनिश्चितता आहे.

आजचे टॉप 10 शेअर्स कोणते ?

ऍक्सिस बँक (AXISBANK)
स्टेट बँक ऑफ इंडिया (SBIN)
डिवीस लॅब (DIVISLAB)
ब्रिटानिया (BRITANNIA)
एचडीएफसी लाईफ (HDFCLIFE)
आयशर मोटर्स (EICHERMOTORS)
सिप्ला (CIPLA)
बीपीसीएल (BPCL)
जेएसडब्ल्यू स्टील (JSWSTEEL)
श्रीराम सिमेंट (SHREECEM)