Todays Stock Market Updates: आठवड्यातील शेवटच्या दिवशी आज शेअर मार्केटमध्ये तेजी दिसून आली. शेअर मार्केट आज तेजीसह उघडले. सेन्सेक्स 980 अंकांनी अर्थात 1.85 टक्क्यांच्या तेजीसह 53,500 वर उघडला तर निफ्टी 290 अंकांच्या तेजीसह 16,000 सुरू झाला.
कमकुवत जागतिक संकेतांमुळे गुरुवारी भारतीय बाजारात विक्रीचा दबाव दिसून आला आला. व्यवहाराच्या शेवटी, सेन्सेक्स 1416.30 अंकांनी अर्थात 2.61 टक्क्यांनी घसरून 52,792.23 वर बंद झाला. दुसरीकडे, निफ्टी 430.90 अंकांनी म्हणजेच 2.65 टक्क्यांनी घसरून 15,809.40 वर बंद झाला होता. BSE सेन्सेक्स आणि निफ्टीने इंट्राडे मध्ये 52669.51 आणि 15775.20 च्या इंट्राडे नीचांकाला स्पर्श केला होता.
गुरुवारच्या घसरणीत एका झटक्यात गुंतवणूकदारांचे 658257.76 कोटी रुपयांचे नुकसान झाले. बीएसईचे मार्केट कॅप 18 मे रोजी 25577445.81 कोटींवरून 24919188.05 कोटी रुपयांवर घसरले.
युएस रिटेल कंपन्यांच्या अलीकडील आकडेवारीवरून हे स्पष्ट होते की महागाईच्या उच्च दराचा कंपन्यांच्या व्यवसायावर खराब परिणाम होत आहे असे बाजार विश्लेषकांचे म्हणणे आहे. अमेरिकेतील किरकोळ विक्रेते टार्गेट कॉर्पचे शेअर्स इंधन आणि मालवाहतुकीतील वाढीमुळे 26 टक्क्यांहून अधिक घसरले.
आता अमेरिकेतील अर्थव्यवस्थेच्या वाढीबाबत चिंता निर्माण झाली आहे. एका दिवसापूर्वी वॉलमार्ट इंकने त्याचे निकाल जाहीर केले होते. ज्यामध्ये त्याने आपल्या कमाईचा अंदाज कापला. वाढती महागाई, मंदीची भीती आणि यूएस फेडचे निर्णय कठोर होण्याची शक्यता ही काही कारणे जागतिक बाजारावर दबाव बनवत असल्याचे विश्लेषकांचे मत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
