Share Market: आठवड्याच्या शेवटच्या दिवशी गुंतवणूकदारांना दिलासा! Sensex मध्ये 840 अंकाची तेजी

आज आठवड्याच्या शेवटच्या दिवशी शेअर बाजाराकडे सर्वांचे लक्ष लागले आहे. गेल्या आठवड्याभरापासून शेअर बाजारात अस्थिरता दिसून येत होती. आज मात्र सुरवातीच्या सत्रात शेअर बाजार मोठ्या तेजीसह सुरू झाला.

आज बाजारात सेन्सेक्स 840 अंकाच्या तेजीसह 61,450 वर सुरू झाला तर निफ्टी 242 अंकाच्या तेजीसह 18,275 वर सुरू झाला. आज सुरवातीच्या सत्रात 48 शेअर्समध्ये तेजी तर 2 शेअर्समध्ये घसरण दिसून येत आहे. ( share market update 1November 2022)

गुरुवारी सेन्सेक्स-निफ्टी सलग दुसऱ्या दिवशी लाल चिन्हात बंद झाला. सेन्सेक्स 419.85 अंकांनी अर्थात 0.69 टक्क्यांनी घसरून 60613.70 वर बंद झाला. त्याच वेळी, निफ्टी 128.80 अंकांनी म्हणजेच 0.71 टक्क्यांनी घसरून 18028.20 वर बंद झाला.

संथ जागतिक संकेतांमुळे गुरुवारी बाजारात सावधता दिसून आल्याचे जिओजित फायनान्शिअल सर्व्हिसेसचे विनोद नायर म्हणाले. ऑटो आणि पीएसयू बँक शेअर्स प्रॉफीट बुकींग  दिसून आली. आता जगभरातील गुंतवणूकदारांची नजर अमेरिकेच्या चलनवाढीच्या आकडेवारीकडे आहे.

गुरुवारी सेक्टरल इंडेक्स लाल रंगात बंद झाले. निफ्टी ऑटो आणि पीएसयू बँकांमध्ये 1 ते 2 टक्क्यांची घसरण झाली आहे. त्याच वेळी, फार्मा, मेटल, एनर्जी, इन्फ्रा आणि एफएमसीजीमध्ये 0.5 टक्क्यांपर्यंत घसरण झाली आहे. बीएसई मिड आणि स्मॉल कॅप 1 टक्क्यांच्या घसरणीसह बंद झाले.

आजचे टॉप 10 शेअर्स कोणते ?

टाटा मोटर्स (TATAMOTORS)
ऍक्सिस बँक (AXISBANK)
महिन्द्रा अँड महिन्द्रा (M&M)
बजाज फिनसर्व्ह (BAJAJFINSV)
टायटन (TITAN)
ऑरो फार्मा (AUROPHARMA)
टीव्हीएस मोटर्स (TVSMOTOR)
ए यू बँक (AUBANK)
बालक्रिष्ण इंडस्ट्रीज (BALKRISIND)
श्रीराम ट्रान्सपोर्ट फायनान्स लिमिटेड (SRTRANSFIN)