सलग तीन दिवसापासून शेअर बाजारात घसरण

गेल्या काही दिवसापासून शेअर बाजारात घसरण सुरु आहे. आज या घसरणीला ब्रेक करत सेन्सेक्स 78 अंकांच्या तेजीसह 55,185 वर तर निफ्टी 28 अंकांच्या तेजीसह 16,444 वर उघडला होता मात्र आता पुन्हा काही क्षणातच शेअर मार्केटमध्ये घसरण दिसून येत आहे.

मंगळवारी सलग दुसऱ्या दिवशीही भारतीय शेअर बाजारात घसरण पाहायला मिळाली होती. रिझव्‍‌र्ह बँकेकडून व्याजदरात वाढ होण्याची भीती बाजारावर कायम होती. व्यवहाराच्या शेवटी सेन्सेक्स 567.98 अंकांनी म्हणजेच 1.02 टक्क्यांनी घसरून 55,107.34 वर बंद झाला होता. तोच निफ्टी 153.20 अंकांनी म्हणजेच 0.92 टक्क्यांनी घसरून 16416.35 वर बंद झाला होता.

व्याजदरात वाढ होण्याच्या चिंतेने मंगळवारी आशियाई बाजार संमिश्र होते असे एचडीएफसी सिक्युरिटीजचे दीपक जसानी म्हणाले. यूएस चलनवाढीच्या आकडेवारी येण्याआधी, व्याजदरात वाढ होण्याची चिंता वाढली आहे. या आठवड्यात युरोपियन सेंट्रल बँकेची बैठकही होणार आहे. दुसरीकडे, कच्चे तेल 120 डॉलरच्या वर आहे. त्यामुळे महागाई आणखी वाढण्याची शक्यता आहे. या आठवड्यात, सीपीआय चलनवाढीसह, बाजार अमेरिकेच्या महागाईच्या आकडेवारीवरही लक्ष असेल.

आजचे टॉप 10 शेअर्स कोणते ?

टीव्हीएस मोटर्स (TVSMOTOR)

टाटा पॉवर (TATAPOWER)

हिंदुस्थान पेट्रोलियम (HINDPETRO)

भारत इलेक्ट्रीकल लिमिटेड (BEL)

अशोक लेलँड (ASHOKLEY)

ओएनजीसी (ONGC)

एनटीपीसी लिमिटेड (NTPC)

कोल इंडिया (COALINDIA)

मारुी (MARUTI)

हिरो मोटो कॉर्प (HEROMOTOCO)