शेअर बाजाराने पॉझिटिव्ह सुरूवातीनंतर हातात घेतला लाल निशान

आज शेअर बाजाराची (Share Market) सुरुवात झाल्यावर सेन्सेक्स केवळ 5 अंकांच्या वाढीसह 57,297 वर उघडला आणि एनएसईचा निफ्टी 3 अंकांच्या किंचित वाढीनंतर 17,120 वर उघडू शकला, पण नंतर लाल रंगात घसरला. प्री-ओपनिंगमध्ये बाजाराची सुरवात झाल्यावर सेन्सेक्स (Sensex) 5.08 अंकांच्या किंचित वाढीनंतर 57,297 वर ट्रेड करत आहे. त्याचबरोबर एनएसईचा निफ्टी (Nifty)2.80 अंकांच्या किरकोळ वाढीसह 17120च्या पातळीवर व्यवहार करत आहे.

आज आयटी, मीडिया, मेटल आणि तेल आणि वायू क्षेत्र वगळता इतर सर्व क्षेत्रे घसरणीच्या लाल रंगात व्यापार करत आहेत. एफएमसीजी शेअरमध्ये सर्वाधिक 1.11 टक्के घसरण दिसून आली. बँकिंग शेअर्सही कमजोरीच्या लाल निशाण्याने व्यापार करत आहेत.

आजच्या चढत्या शेअरमध्ये ओएनजीसी 4.38 टक्क्यांनी वधारले असून आयओसी 2.58 टक्क्यांनी वधारले आहे. टाटा स्टील 1.7 टक्क्यांनी तर बीपीसीएल 1.61 टक्क्यांनी वधारले. हिंडाल्को 1.57 टक्के वाढीसह व्यापार करत होता. टॉप लूझर्सबद्दल बोलायचे झाले तर एचयूएल 2.34 टक्के, एशियन पेंट्स 1.68 टक्के आणि नेस्ले 1.6 टक्क्यांनी घसरले होते. ब्रिटानिया 1.5 टक्के आणि अल्ट्राटेक सिमेंट 1.26 टक्क्यांनी कमी व्यापार करत होता.

बाजार उघडण्यापूर्वी एसजीएक्स निफ्टीत आज वाढ झाली असून तो 49.50अंकांनी वधारून 17201च्या पातळीवर होता. कालच्या व्यवहारात एनएसईचा निफ्टी 17117 च्या पातळीवर बंद झाला होता. त्याचवेळी सेन्सेक्सबाबत बोलायचे झाल्यास तो 57292 च्या पातळीवर बंद झाला. काल बाजार घसरणीच्या लाल रंगात बंद होताना दिसला.