नवीन वर्षात घर खरेदी करणाऱ्यांसाठी देशातील सर्वात मोठ्या बँकेने स्टेट बँक ऑफ इंडियाने खुशखबर दिली आहे. स्टेट बँक ऑफ इंडियाने गृह कर्जात कपात करण्याचा निर्णय घेतला आहे. स्टेट बँक ऑफ इंडियाने गृह कर्जाचे दर 30 बेसिस पॉईंट म्हणजेच 0.3 टक्क्यांनी कमी केले आहेत. याशिवाय प्रोसेसिंग फी देखील माफ करण्याची घोषणा एसबीआयने केली आहे. हा व्याज दर आठ मोठ्या शहरांमध्ये गृह कर्जासाठीही उपलब्ध होणार आहे. आणि हा व्याज दार पाच कोटी रुपयांपर्यंतच्या कर्जावर राहणार असल्याचे एसबीआयने स्पष्ट केले आहे.
स्टेट बँकेने जारी केलेल्या निवेदनात गृह कर्जावरील नवीन व्याज दर सिबिल स्कोरशी जोडले असल्याचे नमूद करण्यात आले आहे. आणि हे व्याज दर 30 लाख रुपयांपर्यंतच्या कर्जासाठी 6.80 टक्के, तर 30 लाख रुपयांपेक्षा कर्जावर 6.95 टक्के व्याज दर राहणार आहे. याव्यतिरिक्त, महिला कर्जदारांना 0.05 टक्के अतिरिक्त सूट मिळणार असल्याचे बँकेने निवेदनात म्हटले आहे.
पाच कोटी रुपयांपर्यंतच्या कर्जासाठी आठ महानगरांमध्ये देखील 0.30 टक्क्यांपर्यंत व्याज सवलत उपलब्ध राहणार असल्याचे बँकेने म्हटले आहे. व यासाठी स्टेट बँक ऑफ इंडियाच्या डिजिटल योनो ऍप वरून देखील अर्ज करता येणार असल्याचे बँकेने म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
