'या' शेअर्सनी दिला जबरदस्त 22000 टक्‍क्‍यांपर्यंत परतावा! लाखाचे झाले 2 कोटींहून अधिक रक्कम | Arthavishwa | Sakal
sakal

बोलून बातमी शोधा

Share Market
'या' शेअर्सनी दिला जबरदस्त 22000 टक्‍क्‍यांपर्यंत परतावा!

'या' शेअर्सनी दिला जबरदस्त 22000 टक्‍क्‍यांपर्यंत परतावा!

केमिकल शेअर्सनी (Chemical Stocks) गुंतवणूकदारांना (Investors) जोरदार परतावा दिला आहे. गेल्या 10 वर्षात काही केमिकल स्टॉक्‍सनी लोकांना श्रीमंत केले आहे. या केमिकल स्टॉक्‍समध्ये गुंतवलेल्या एक लाख रुपयांचे मूल्य आता कोटींवर पोहोचले आहे. येथे अशा 3 केमिकल स्टॉक्‍सबद्दल सांगत आहोत, ज्यांनी 1 लाख रुपयांच्या गुंतवणुकीला कोटींमध्ये रूपांतरित करण्याचे काम केले आहे. या केमिकल स्टॉक्‍सने 22,000 टक्‍क्‍यांहून अधिक परतावा दिला आहे. चला तर मग जाणून घेऊया की हे स्टॉक्‍स कोणते आहेत आणि त्यांनी आतापर्यंत गुंतवणूकदारांना किती परतावा दिला आहे त्याबाबत. (The return on these shares is a whopping twenty two thousand percent)

हेही वाचा: शेतकऱ्यांसाठी खुषखबर! बॅंकांकडून मिळणार आता वाढीव पीककर्ज

या केमिकल स्टॉक्‍सने दिला 22,000 टक्‍क्‍यांहून अधिक परतावा

केमिकल कंपनी Paushak Limited ने जबरदस्त परतावा दिला आहे. 10 जानेवारी 2012 रोजी कंपनीचे शेअर्स बॉम्बे स्टॉक एक्‍सचेंज (Bombay Stock Exchange - BSE) वर 46.50 रुपयांच्या पातळीवर होते. 10 जानेवारी 2022 रोजी कंपनीचे शेअर्स 10,394.85 रुपयांवर बंद झाले. Paushak Limited च्या शेअर्सने गेल्या 10 वर्षांत गुंतवणूकदारांना जवळपास 22,255 टक्के परतावा दिला आहे. जर एखाद्या व्यक्तीने 10 जानेवारी 2012 रोजी कंपनीच्या शेअर्समध्ये 1 लाख रुपये गुंतवले असते, तर सध्या ही रक्कम 2.23 कोटी रुपयांपेक्षा जास्त झाली असती.

Alkyl Amines Chemicals ने दिला 22,000 टक्‍क्‍यांपेक्षा जास्त परतावा

6 जानेवारी 2012 रोजी बॉम्बे स्टॉक एक्‍सचेंज (BSE) वर Alkyl Amines Chemicals चे शेअर्स Rs 15.92 च्या पातळीवर होते. 11 जानेवारी 2022 रोजी कंपनीचे शेअर्स BSE वर 3,679.65 रुपयांवर बंद झाले. कंपनीच्या शेअर्सनी गेल्या 10 वर्षांत 22,000 टक्‍क्‍यांहून अधिक परतावा दिला आहे. जर एखाद्या गुंतवणूकदाराने 6 जानेवारी 2012 रोजी कंपनीच्या शेअर्समध्ये 1 लाख रुपये गुंतवले असते, तर सध्या ही रक्कम 2.3 कोटी रुपयांपेक्षा जास्त झाली असती.

हेही वाचा: 'या' नऊ क्षेत्रात 2 लाख लोकांना मिळाला रोजगार! एकूण संख्या 3.10 कोटी

दीपक नायट्रेटने दिला 17,000 टक्‍क्‍यांहून अधिक परतावा

6 जानेवारी 2012 रोजी दीपक नायट्रेटचे (Deepak Nitrite) शेअर्स बॉम्बे स्टॉक एक्‍सचेंज (BSE) वर 15.40 रुपयांच्या पातळीवर होते. 11 जानेवारी 2022 रोजी कंपनीचे शेअर्स BSE वर 2,572.95 रुपयांवर बंद झाले. कंपनीच्या शेअर्सनी गेल्या 10 वर्षांत गुंतवणूकदारांना जवळपास 16,700 टक्के परतावा दिला आहे. जर एखाद्या व्यक्तीने 6 जानेवारी 2012 रोजी दीपक नायट्रेटच्या शेअर्समध्ये 1 लाख रुपये गुंतवले आणि आपली गुंतवणूक ठेवली असती, तर सध्या ही रक्कम 1.67 कोटी रुपयांच्या जवळपास गेली असती.

Web Title: The Return On These Shares Is A Whopping Twenty Two Thousand Percent

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top