पिंपरी : ‘तुमच्या मुलीचे लग्न माझ्याशिवाय इतर कोणाशी जमवले तर त्याला आणि तुम्हालाही मारून टाकीन’ अशी धमकी देत अल्पवयीन मुलीचा पाठलाग केला. याप्रकरणी तरुणावर गुन्हा दाखल झाला आहे. ही घटना चिखली परिसरात घडली.
याप्रकरणी अल्पवयीन मुलीच्या आईने चिखली पोलिस ठाण्यात फिर्याद दिली आहे. त्यानुसार रवींद्र गुलचंद गायकवाड (वय ३०, रा. भक्ती हौसिंग सोसायटी, घरकुल, चिखली) याच्यावर गुन्हा दाखल झाला आहे. आरोपी हा गेल्या तीन वर्षांपासून फिर्यादी यांच्या अल्पवयीन मुलीचा पाठलाग करीत होता. 'मला तुझ्याशी लग्न करायचे आहे, असे म्हणून आरोपी अल्पवयीन मुलीशी जवळीक साधत होता. फिर्यादी महिला व त्यांचे पती हे नातेवाईकांसह थांबले असताना आरोपी तेथे आला. फिर्यादी महिलेच्या मुलीशी मी लग्न करणार आहे.
भविष्यात हिचे लग्न जमू देणार नाही, असे आरोपी बोलला. दरम्यान, असे का बोलतोस, असा जाब फिर्यादी व त्यांच्या पतीने आरोपीला विचारला असता ‘तुम्ही तुमच्या मुलीचे लग्न माझ्याशिवाय इतर कोणाशी जमवले तर त्याला मी मारून टाकीन व तुझ्या घरच्यांनाही मारून टाकीन’, अशी धमकी देत आरोपीने शिवीगाळ केली. चिखली पोलिस अधिक तपास करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.