Viral video: चक्क कारची डिक्की उघडी ठेवून त्यात बसवली लहान मुले...

हैराबादमधील हा व्हिडिओ सोशल मिडियावर चांगलाच व्हायरल झाला आहे. ज्यात कारच्या मागच्या डिक्कीत 3 लहान मुले बसलेली दिसत होती. आणि विशेष म्हणजे ती डिक्की उघडी होती.

“किती बेजबाबदार पालक आहेत हे ? कृपया चौकशी करा सर आणि कारवाई करा,” एका वापरकर्त्याने  व्हिडिओ सोशल मिडियावर पोस्ट करत लिहिले. वापरकर्त्याने हैदरबाद पोलिसांच्या अधिकृत ट्विटर हँडलला टॅग करून कारवाईची मागणी केली.

हा व्हिडिओ सोशल मिडियावर व्हायरल झाल्यानंतर लगेचच हैदराबाद मधील सायबराबाद पोलिसांनी या घटनेची दखल घेतली आणि वाहन चालकाला दंड ठोठावला. 

कारचा नोंदणी क्रमांक दिसत असल्याने सायबराबाद वाहतूक पोलिसांनी त्या चालकाला लगेच ई-चलन जारी केले. “सर, तुमच्या माहितीची पडताळणी झाली आहे आणि ई-चलन तयार करण्यात आले आहे. रस्ता सुरक्षा सुधारण्यासाठी सायबराबाद वाहतूक पोलिसांशी हातमिळवणी केल्याबद्दल धन्यवाद,” वाहतूक पोलिसांनी मूळ ट्विटला असे उत्तर दिले आहे.

मोटार वाहन कायद्यानुसार, कार नोंदणी प्रमाणपत्रात  4+1 कारमध्ये ड्रायव्हर वगळता फक्त 4 प्रवासी बसू शकतात.

निष्पापांचा जीव धोक्यात घालणाऱ्या चालकावर कठोर कारवाई व्हायला हवी होती, असे काही कमेंट करणारे  म्हणत आहे.

“मुलांचा जीव धोक्यात घालणाऱ्या पालकांना अटक करा. पालकांना चांगले कळले पाहिजे. ते आपल्या मुलांना कोणत्या प्रकारचे धडे देत आहेत,” अशी कमेंट एका वापरकर्त्याने लिहिले आहे.

तर असेही काही लोक होते ज्यांचा असा विश्वास होता की पालकांनी मुलांच्या विनंतीवरून हे केले असावे आणि त्यांना योग्य दमदाटी देऊन सोडले पाहिजे.