Shravan 2022: पहिल्या सोमवारला महादेवाला शिवमूठ तांदूळ वाहा, होणार भगवान शंकराची कृपा

Shravan 2022: श्रावण महिना हा भगवान शंकराला सर्मपित केला जातो. श्रावण महिन्यात शिवशंकराला प्रसन्न करण्यासाठी आराधना केली जाते. यासाठी श्रावणात अनेकजण अनेक उपाय करतात. या महिन्यात चार सोमवार आले आहेत. यात तांदळाचा उपाय हा एक सर्वोत्तम फळ देणारा असल्याचे मानले जाते. (Sharavan Somvar Vrat)

दर सोमवारवार महादेवाला शिवमूठ वाहली जाते. या शिवमूठ मध्ये तांदूळ, तीळ, जवस इत्यादी प्रकार असतात. श्रावणाच्या पहिल्या सोमवारला तांदूळ ही शिवमूठ वाहली जाणार आहे. चला तर जाणून घेऊया श्रावणातील तांदळाचा उपाय. (Shivamuth Pooja)

ज्योतिष शास्त्रानुसार श्रावण महिन्यात तांदळाचा उपाय केल्यास घरात सुख शांती आणि आनंदी वातावरण निर्माण होते. तसेच शंकराच्या कृपेने घरातील सगळ्यांचीच प्रगतीही होते.

श्रावणात शिवशंकराला तांदळाचे दाणे वाहावेत. असे केल्याने धन धान्याची भरभराट होते. शास्त्रानुसार शंकराला अक्षता वाहण्याची परंपरा आहे. पण जर शंकराला तांदूळ आणि कुंकही वाहीले तर आर्थिक अडचणी दूर होतात

असं म्हणतात, श्रावणात दर सोमवारी शंकराची विधीवत पूजा करावी. दरसोमवारी शिवमूठ वाहावी. यात वेगवेगळे धान्य असतात. त्याप्रमाणे मूठभर ते धान्य घ्यावे आणि पिंडीवर वाहावे. श्रावण संपल्यानंतर हे सर्व धान्य गरजूंना दान करावे. यामुळे सुख समृद्धी लाभते.