Crime News Lucknow I वडिलांनी मारलं म्हणून १३ वर्षाच्या मुलानं चिमुकलीचा घेतला जीव | Sakal
sakal

बोलून बातमी शोधा

murder

पोलिसांना त्या चिमुरडीचा मृतदेह शाळेच्या पाण्याच्या टाकीत सापडला आहे.

वडिलांनी मारलं म्हणून १३ वर्षाच्या मुलानं चिमुकलीचा घेतला जीव

लखनऊच्या सैरपूर पोलिस स्टेशन परिसरात एक वर्षाच्या लहानगीचा खून करण्यात आली असल्याची घटना घडली आहे. याप्रकरणी पोलिसांनी १३ वर्षीय अल्पवयीन मुलाला ताब्यात घेतले आहे. संबंधित मुलाला वडिलांनी मारले होते. त्या अपमानाचा बदला म्हणून त्याने ही हत्या केली असल्याची माहिती पोलिसांना दिली आहे.

तपासा दरम्यान, पोलिसांना त्या मुलीचा मृतदेह शाळेच्या पाण्याच्या टाकीत सापडला आहे. मुलीचा मृतदेह वर येऊ नये म्हणून आरोपीने त्या मृतदेहाला पायाला वीट बांधली होती. मिळालेली माहिती अशी की, सैरपूर पोलिस स्टेशन हद्दीतील जुगौर गावात सुशील पांडे यांची एक वर्षाची मुलगी घरातून बेपत्ता झाली होती. मुलगी बेपत्ता असल्याची तक्रार पांडे यांनी पोलिस ठाण्यात दिली होती. त्यानंतर पोलिसांनी मुलीचा शोध सुरू केला.

हेही वाचा: नवऱ्याच्या मृत्यूनंतर झाला छळ; मुलीसाठी 36 वर्षे 'पुरुष' म्हणून काढली

यानंतर दोन अल्पवयीन मुलांनी या मुलीला शाळेत नेल्याची माहिती पोलिसांना मिळाली. या माहितीवरून पोलिस तात्काळ शाळेत दाखल झाले आणि शोधमोहिम सुरु केली असता शौचालयातील पाण्याच्या टाकीत मुलीचा मृतदेह आढळून आला. मृतदेह वर येऊ नये म्हणून तिच्या पायाल वीट बांधण्यात आली होती. दरम्यान, पोलिसांनी मृतदेह त्या टाकीतून बाहेर काढून शवविच्छेदनासाठी पाठवला.

यानंतर याप्रकरणाचा तपास केला असता उलगडा झाला. एका 13 वर्षीय अल्पवयीन मुलाने या मुलीची हत्या केल्याचे पोलिसांनी सांगितले. मारणारा मुलगा ड्रग्सचा व्यसनी असून तो अनेकदा लोकांना त्रास देत असल्याचेही पोलिसांनी सांगितेल आहे. वडिलांनी कानाखाली मारली असल्याचा अपमानाचा बदला घेण्यासाठी आरोपीने मुलीची हत्या केली असल्याचे प्राथमदर्शी चौकशीतून समोर आले आहे.

हेही वाचा: Viral Video: महिला वकिलला लाथा-बुक्क्यांनी जबरी मारहाण

Web Title: 13 Year Old Boy Murder Of 1 Year Child In Lucknow Up For Father Slapped Him

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top