ट्रक आणि बसच्या भीषण अपघातात १७ ठार; राष्ट्रपतींसह PM मोदींकडून शोक

अपघातातील अनेकजण गंभीर जखमी झाले आहेत.
Pakur Accident
Pakur Accident Team eSakal

देशभरात रस्ते अपघातात दिवसाला शेकडो अपघात होतात. त्यामध्ये हजारो लोकांचा रोज मृत्यू होतो. त्यातच काल झारखंडच्या (Jharkhand) पाकूरमध्ये (Pakur Accident) काल एक भीषण अपघात झाला. गॅस सिलिंडरची वाहतूक करणारा ट्रक आणि बसचा अपघात झाला. या अपघातात तब्बल १७ जणांचा मृत्यू झाल्याचं समजतंय. या अपघातात अनेकजण जखमी झाले असून, त्यांची प्रकृती चिंताजनक आहे. राष्ट्रपती रामनाथ कोविंद आणि पंतप्रधान नरेंद्र मोदींनी (PM Narendra Modi) या घटनेबद्दल शोक व्यक्त केला आहे.

अपघातात सात जणांचा जागीच मृत्यू झाला तर दहा जणांचा रुग्णालयात उपचारादरम्यान मृत्यू झाला. या अपघातात अन्य २५ जण जखमी झाले असून त्यापैकी अनेकांची प्रकृती चिंताजनक असल्याची माहिती पाकूरचे उपविभागीय पोलीस अधिकारी अजित कुमार विमल यांनी दिली. भरधाव बस आणि गॅस सिलिंडर घेऊन जाणारी ट्रक यांच्यात समोरासमोर धडक झाल्याने हा अपघात झाल्याचे त्यांनी सांगितले.

पोलिस सूत्रांनी सांगितले की, बस आणि एलपीजी सिलिंडरने भरलेल्या ट्रकची समोरासमोर धडक झाली, मात्र सुदैवाने सिलिंडरचा स्फोट झाला नाही, तसं झालं असतं तर घटना आणखी गंभीर झाली असती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com