Vaishno Devi Stampede : 12 जणांच्या मृत्यूनंतर मोदींकडून मदतीची घोषणा | Sakal
sakal

बोलून बातमी शोधा

Vaishno Devi stampede
वैष्णोदेवी : चेंगराचेंगरी दुर्घटनेची PM मोदींनी घेतली दखल; मदतीची घोषणा | Vaishno Devi Bhavan stamped

Vaishno Devi Stampede : 12 जणांच्या मृत्यूनंतर मोदींकडून मदतीची घोषणा

जम्मू आणि काश्मीरमधील (Jammu Kashmir) कटरा येथील माता वैष्णो देवी भवन येथे झालेल्या चेंगराचेंगरीच्या घटनेत मृत्युमुखी पडलेल्यांच्या नातेवाईकांना PMNRF कडून प्रत्येकी 2 लाख रुपयांची मदत दिली जाईल अशी घोषणा पंतप्रधान नरेंद्र मोदींनी (PM Narendra Modi) केली आहे. तर या घटनेतील सर्व जखमींना पंतप्रधान आपत्ती प्रतिसाद निधीतून (PMNRF) 50,000 रुपयांची मदत देण्यात येणार आहे.

हेही वाचा: धक्कादायक! वैष्णोदेवी मंदिरात चेंगराचेंगरी, 12 भाविकांचा मृत्यू

या घटनेनंतर पंतप्रधान नरेंद्र मोदींनी दु:ख व्यक्त केलं आहे. 'माता वैष्णो देवी भवन येथे झालेल्या चेंगराचेंगरीत झालेल्या जीवितहानीमुळे अत्यंत दु:ख झाले. शोकग्रस्त कुटुंबियांच्या दु:खात आम्ही सहभागी आहोत, जखमी लवकर बरे होवोत. अशा शब्दांत पंतप्रधान नरेंद्र मोदींनी आपल्या भावना व्यक्त केल्या आहेत.

हेही वाचा: कालीचरणला 13 जानेवारी पर्यंत न्यायालयीन कोठडी

जम्मू-काश्मीरचे डीजीपी दिलबाग सिंह यांनी दिलेल्या प्राथमिक माहितीनुसार, काही कारणावरून झालेल्या वादातून भाविकांनी एकमेकांना धक्काबुक्की केली, त्यानंतर चेंगराचेंगरी झाली. कटरा हॉस्पिटलचे बीएमओ डॉ. गोपाल दत्त यांनी मृत्यूबद्दलची माहिती दिली. सध्या जखमींना नारायणा रुग्णालयात दाखल करण्यात आले आहे. त्याचवेळी घटनेची माहिती मिळताच पोलीस घटनास्थळी पोहोचले होते. त्यानंतर परिस्थिती नियंत्रणात असल्याचे पोलिसांकडून सांगण्यात आले आहे. नववर्षानिमित्त देवीच्या दर्शनासाठी मोठ्या संख्येने भाविकांनी गर्दी केली होती. यादरम्यान अचानक चेंगराचेंगरी झाली.

Web Title: 2 Lakh Would Be Given To The Next Of Kin Of Those Who Lost Their Lives At Mata Vaishno Devi Bhawan Stampede Said Pm Narendra Modi

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Vaishno Devi
go to top