जम्मू काश्मीर : यात्रेकरूंना घेऊन जाणाऱ्या बसला आग, 4 जणांचा मृत्यू | Sakal
sakal

बोलून बातमी शोधा

4 die as bus carrying Vaish nodevi pilgrims catch fire near jammu and kashmir

जम्मू काश्मीर : यात्रेकरूंना घेऊन जाणाऱ्या बसला आग, 4 जणांचा मृत्यू

जम्मू-काश्मीरमधील रियासी जिल्ह्यात वैष्णोदेवीकडे यात्रेकरूंना घेऊन जाणाऱ्या बसला शुक्रवारी आग लागल्याने किमान चार जणांचा मृत्यू झाला भीषण प्रकार समोर आला. तर 22 जण जखमी झाले आहेत. कटराहून जम्मूला जाणाऱ्या लोकल बसला कटरापासून दीड किमी अंतरावर खरमलजवळ आग लागली.

प्रवाशांना घेऊन जाणाऱ्या चालत्या बसला भीषण आग लागली. या आगीत 4 प्रवासी जिवंत जळाले असून 22 प्रवासी जखमी झाल्याची माहिती आहे. बस कटराहून जम्मूकडे येत होती. पोलिसांनी दिलेल्या माहितीनुसार, बसच्या इंजिनला आग लागली जी काही वेळातच पसरली आणि सर्व प्रवाशांना बाहेर पडण्यास वेळ मिळाला नाही. सर्व जखमींना रुग्णालयात दाखल करण्यात आले असून काहींची प्रकृती चिंताजनक असल्याचे सांगण्यात येत आहे.

हेही वाचा: अडवाणींवर कोणती कारवाई केली?; औरंगजेब कबर प्रकरणी काँग्रेसचा सवाल

हेही वाचा: महागाईत कंपन्याचा अनोखा फंडा; पॅकेट्सची किंमत न वाढवताही नफ्यात

चालत्या बसला भीषण आग

एडीजीपी जम्मू यांनी ट्विट करून अपघाताची माहिती दिली. कटरा ते जम्मूच्या मार्गावर एक स्थानिक बस क्रमांक JK14/1831 कटरा येथून सुमारे 1 किमीवर पोहोचली होती तेव्हा तिला आग लागली. आग लागण्याच्या कारणाचा शोध घेण्यात येत आहे. एफएसएल टीम घटनास्थळी तैनात आहे. 22 जखमींना उपचारासाठी कटरा येथे नेण्यात आले आहे.

बस इतक्या वेगाने पसरली की प्रवाशांना पळून जाण्याची संधीही मिळाली नाही, असे प्रत्यक्षदर्शींनी सांगितले. कसेबसे सर्व प्रवाशांना बसमधून बाहेर काढण्यात यश आले. असे असतानाही चार प्रवासी दगावले. लोकांनी सांगितले की, बचाव पथक घटनास्थळी पोहोचेपर्यंत बस पूर्णपणे जळून खाक झाली होती.

Web Title: 4 Die As Bus Carrying Vaish Nodevi Pilgrims Catch Fire Near Jammu And Kashmir

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Jammu And Kashmir
go to top