अडवाणींवर कोणती कारवाई केली?; औरंगजेब कबर प्रकरणी काँग्रेसचा सवाल | Sakal
sakal

बोलून बातमी शोधा

congress sachin sawant questions bjp over adwani visit to mausoleum of Jinnah in Aurangzeb row

अडवाणींवर कोणती कारवाई केली?; औरंगजेब कबर प्रकरणी काँग्रेसचा सवाल

एमआयएमचे आमदार अकबरुद्दीन ओवैसी (Akbaruddin Owaisi) यांनी काल औरंगजेबाच्या कबरीचं दर्शन घेतलं. यावरून आता नवा वाद पेटला आहे. ओवेसी यांनी औरंगाबाद दौऱ्यादरम्यान गुरुवारी खुलताबाद येथील औरंगजेबाच्या कबरीचं दर्शन घेतलं. याच घटनेबद्दल राज्यभरातून नेत्यांच्या प्रतिक्रिया येत आहेत. भाजपने ओवेसी यांच्यावर कारवाईची मागणी करण्यात येत आहे. याप्रकरणी कॉंग्रेसने भाजपने आधी अडवाणींवर कोणत्या आयपीसीच्या कलमानुसार कारवाई केली? असा सवाल केला आहे.

कॉंग्रेसचे नेत सचिन सावंत यांनी ट्विट करत भाजपला धारेवर धरलं आहे, त्यानी लिहीले आहे की, औरंगजेबाच्या कबरीवर ओवेसी गेले तर बोंब ठोकून कारवाईची मागणी करणाऱ्या भाजपाने व भाजपाच्या पिट्टूंनी आधी 'जीना'च्या कबरीवर गेलेल्या अडवाणींवर कोणत्या आयपीसीच्या कलमानुसार कारवाई केली? भाजपाचे सहयोगी नितीशकुमारांनाही जेलमध्ये का टाकले नाही? यांचे उत्तर द्यावे. अजून देश संविधानाने चालतो, असे सावंत म्हणाले आहेत.

हेही वाचा: ओवैसींच्या कबर दर्शनावर संभाजीराजेंची पहिली प्रतिक्रिया; म्हणाले...

तसेच पुढे म्हणाले की, "मरणांती वैराणी ही आपली संस्कृती आहे. शिवरायांनी अफझलखानाचीही कबर बांधली. अंधाराची पूजा करणारे असतातच", सावंत यांनी उदाहरणे देत, "गोडसेचा उदोउदो करणारेही आहेतच की भाजपमध्ये! त्यांना जेलमध्ये टाकतो का?" असा सवाल देखील त्यांनी भारतीय जनता पक्षाला केला आहे. सोबतच त्यांनी, "ओवेसींचा धर्मांध विचार देशाला माहीत आहे. आम्ही भाजपबरोबर त्यांचाही विरोध करतो. भाजप त्यांचा वापर करते", असे म्हटले आहे.

हेही वाचा: ओवैसीचं औरंगजेब कबर दर्शन; शिवसेनेने दिला 'हा' इशारा

या दरम्यान शिवसेने या प्रकरणावर इशार देत, "ज्या महाराष्ट्रातील औरंगाबादेत संभाजी महाराजांचा छळ करण्यात आला त्या औरंगजेबाच्या कबरीचं दर्शन घेण्याची गरज काय होती? असा सवाल करत त्यांनी दोन समाजात तणाव निर्माण करण्यासाठी जलील आणि ओवैसी प्रयत्न करत आहेत, वातावरण खराब करत आहेत. दर्ग्यात जाण्यासाठी आम्हाला हरकत नाही पण तुम्ही कबरीवर जाऊन चूक केली आहे. त्याबद्दल त्यांनी महाराष्ट्राची माफी मागितली पाहिजे", औरंगबादचे माजी खासदार चंद्रकांत खैरे म्हणाले आहेत.

Web Title: Congress Sachin Sawant Questions Bjp Over Adwani Visit To Mausoleum Of Jinnah In Aurangzeb Row

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top