प्रेमास नकार देणार्‍या युवतीवर अ‍ॅसिड हल्‍ला; गळा, पाठीवर झाल्या गंभीर जखमा

बंगळुरु (कर्नाटक) : सध्या देशभरात अत्याचाराच्या घटनांमध्ये वाढ झालीय. त्यातच आता प्रेमास (Love) नकार देणार्‍या युवतीवर अ‍ॅसिड हल्‍ला (Acid Attack) करण्यात आलाय. यामध्ये ती गंभीर जखमी झाल्याची घटना येथील सुंकदकट्टी बस स्थानकानजीक (Sunkadakatte Bus Stand) गुरुवारी सकाळी साडेआठच्या सुमारास घडलीय.

दरम्यान, अ‍ॅसिड हल्‍ला केल्यानंतर संशयित नागेश (वय 27) फरारी झाला आहे. या घटनेत युवतीचा गळा, पाठ आणि डोक्यावर गंभीर जखमा झाल्या आहेत. ती सुमारे 50 टक्के भाजल्याचे डॉक्टरांनी सांगितले.

संबंधित युवती एम. कॉम. झाली असून नऊ महिन्यांपूर्वी ती येथील एका खासगी कंपनीत नोकरीला लागली होती. याआधी ती नागेशसोबत दुसर्‍या कंपनीत काम करत होती. तिथे त्यांचे प्रेम जुळले होते. त्यानंतर त्यांच्यात अचानक फूट पडली. त्यानंतर तो तिला धमकावत होता, अशी माहिती समजते. याबाबतचा अधिक तपास पोलिस करत आहेत.