आम्हाला वाचवा...आम्हाला वाचवा...पेटत्या कारमध्ये 5 जणांनी सोडले प्राण

नवी दिल्ली- यमुना एक्स्प्रेस वेवर आज (मंगळवार) पहाटे भीषण अपघात झाला. चुकीच्या दिशेने येत असलेल्या टँकरने दिलेल्या धडकेत कारने पेट घेतला आणि आतील प्रवासी अक्षरश: जिवंत जळाले. हे प्रवासी आम्हाला वाचवा, आम्हाला वाचवा अशी आर्त हाक देत होते. परंतु, आग इतकी पसरली होती की त्यांना वाचवणेही शक्य नव्हते. मदतीला स्थानिक लोक असतानाही त्यांना मदत करता आली नाही. 

यमुना एक्स्प्रेस वेवर मंगळवारी पहाटे चुकीच्या दिशेने येत असलेल्या टँकरने कारला समोरुन धडक दिली. माध्यमांत आलेल्या वृत्तानुसार, कारमध्ये पाच जण प्रवास करत होते. यामध्ये लहान मुलेही असण्याची शक्यता वर्तवण्यात येत आहे. धडक बसल्यानंतर काही क्षणांत कारने पेट घेतला. आग इतकी भयानक होती की आतील लोकांना बाहेरच निघता आले नाही. पाचही जणांचा होरपळून मृत्यू झाला.

हेही वाचा- गुजरातमध्ये होणार जगातील सर्वात मोठं प्राणीसंग्रहालय; रिलायन्स करतंय उभारणी!

एका प्रत्यक्षदर्शीने सांगितले की, अपघातग्रस्त कार आमच्या मागे होती. अपघाताच्या काही क्षण आधीच या कारने आम्हाला ओव्हरटेक केले होते. ज्या टँकरने धडक दिली, ती चुकीच्या दिशेने येत होती. त्या टँकरचा डिझेल टँकही लीक झाला होता. या दुर्देवी घटनेनंतर आणखी एका प्रत्यक्षदर्शीने सांगितले की, कारला आग लागल्यानंतर आत अडकून बसलेल्या मुलांना काढण्याचा प्रयत्न करण्यात आला होता. पेटलेल्या कारमधील तीन ते चार जण आम्हाला वाचवा, आम्हाला वाचवा, अशी हाक देत होते. 
 

हेही वाचा- माझ्या पक्षालाही मी सहन करणार नाही : राजासिंह