नवी दिल्ली : मधुमेह वाढला तर वैद्यकीय आधारावर जामीन मिळू शकतो, या उद्देशाने दिल्लीचे मुख्यमंत्री अरविंद केजरीवाल तुरुंगात आंबे तसेच मिठाई खात आहेत, असा दावा सक्तवसुली संचलनालयाकडून गुरुवारी विशेष न्यायालयात करण्यात आला.
शरिरातील साखरेची नियमितपणे तपासणी करावी तसेच डॉक्टरांना भेटण्याची परवानगी मिळावी, अशा विनंतीची याचिका केजरीवाल यांनी दाखल केली आहे. या याचिकेची सुनावणी करताना ईडीने वरील दावा केला. शरिरातील साखर वाढली तर जामीन मिळू शकतो, या उद्देशाने केजरीवाल तुरुंगात आंबे, मिठाई खात आहेत. शिवाय साखरेच्या चहाचे सेवन करीत आहेत, असे ईडीच्या वकिलांकडून न्यायालयाला सांगण्यात आले.
केजरीवाल यांचे वकील विवेक जैन यांनी ईडीच्या दाव्याचे खंडन केले. यावर केजरीवाल यांना दिल्या जात असलेल्या आहाराची माहिती सादर करण्याचे निर्देश न्यायालयाने तिहार तुरुंग प्रशासनाला दिले. सदर प्रकरणाची पुढील सुनावणी शुक्रवारी होणार आहे. मद्य धोरण गैरव्यवहार प्रकरणी ईडीने केजरीवाल यांना गेल्या महिन्यात अटक केली होती. सर्वोच्च न्यायालयाने त्यांना जामीन देण्यास नकार दिला होता. विशेष न्यायालयाने त्यांना 23 तारखेपर्यंत न्यायालयीन कोठडीत ठेवण्याचे आदेश अलिकडेच दिले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.