AAP ची विचारसरणी आहे तरी काय? केजरीवालांनी सांगितले 'हे' चार स्तंभ

दिल्ली : अण्णा हजारे यांनी जनलोकपाल बील लागू करावं ही मागणी घेऊन दिल्लीत मोठं आंदोलन छेडलं होतं. याच आंदोलनात अण्णा हजारे यांच्यासोबत एक चेहरा दिसत होता, तो चेहरा म्हणजे अरविंद केजरीवाल (Arvind Kejriwal). पुढे अरविंद केजरीवाल यांनी राजकारणात येत आम आदमी पक्षाची (AAP) स्थापना केली आणि पाहता पाहता थेट देशाची राजधानी दिल्लीवर सत्ता स्थापन केली. त्यानंतर आता पंजाबमध्ये (Punjab) आम आदमी पक्षाने ऐतिहासिक विजय मिळवला. त्यातच आता अरविंद केजरीवाल यांनी आम आदमी पक्षाच्या विचारधारेवरून केलेलं एक ट्विट चर्चेत आलं आहे.

देशात सर्वात मोठे पक्ष असलेल्या भाजप आणि काँग्रेसला तिसरा पर्याय हा आम आदमी पक्ष असल्याचं राजकीय विश्लेशकांकडून बोललं जातंय. भाजपची उजवी विचारसरणी आणि काँग्रेसची सेक्युलर भूमिका वगळता अनेकांना तिसरा पर्याय हवाआहे, तो पर्याय म्हणून आता आम आदमी पक्ष लोकांसमोर येण्याचा प्रयत्न करताना दिसतोय. त्यातच आम आदमी पक्षाने आता आपली विचारसरणी काय? याचं उत्तर दिलं आहे.

दिल्लीचे मुख्यमंत्री आणि आम आदमी पक्षाचे सर्वेसर्वा अरविंद केजरीवाल यांनी नुकतंच एक ट्विट केलं आहे. त्यामध्ये त्यांनी आम आदमी पक्षाची विचारधारा सांगितली आहे. ते म्हणाले, आम आदमी पक्षाच्या विचारधारेटे तीन स्तंभ आहेत. त्यातला पहिला स्तंभ म्हणजे देशप्रेम, दुसरा स्तंक्ष कट्टर ईमानदारी आणि चौथा स्तंभ हा माणुसकी असल्याचं ते म्हणाले आहेत. तसंच पुढे त्यांनी, "दिल दिया है, जाँ भी, ए वतन तेरे लिये" या ओळी देखील लिहील्या आहेत.