Arvind Kejriwal News : मला सिंगापूरला जाऊ द्या, मुख्यमंत्री केजरीवाल यांचं पंतप्रधानांना पत्र | Sakal
sakal

बोलून बातमी शोधा

Arvind Kejriwal and Narendra Modi News

मला सिंगापूरला जाऊ द्या, मुख्यमंत्री केजरीवाल यांचं पंतप्रधानांना पत्र

नवी दिल्ली : दिल्लीचे मुख्यमंत्री अरविंद केजरीवाल (Arvind Kejriwal) यांनी पंतप्रधान नरेंद्र मोदी (Narendra Modi) यांना पत्र लिहून सिंगापूरला (Singapore Tour) जाण्याची परवानगी रोखणे चुकीचे असल्याचे म्हटले आहे. एखाद्या मुख्यमंत्र्यांना महत्त्वाच्या कार्यक्रमाला जाण्यापासून रोखणे हे देशहिताच्या विरोधात आहे. तेव्हा लवकरात लवकर परवानगी द्या. कार्यक्रमात जाऊन देशाचे नाव मोठे करता येईल, असेही केजरीवाल यांनी म्हटले आहे. (Arvind Kejriwal and Narendra Modi News)

‘सिंगापूर (Singapore) सरकारने जागतिक दर्जाच्या परिषदेत दिल्ली मॉडेल सादर करण्यासाठी आमंत्रित केले आहे. दिल्लीचे मॉडेल जगभरातील अनेक मोठ्या नेत्यांसमोर मांडले जाणार आहे. आज जगाला दिल्ली मॉडेलबद्दल जाणून घ्यायचे आहे. हे निमंत्रण देशासाठी अभिमानाची आणि सन्मानाची बाब आहे’ असे पत्रात मुख्यमंत्री अरविंद केजरीवाल (Arvind Kejriwal) यांनी लिहिले आहे.

हेही वाचा: भारताने १८ महिन्यांत २०० कोटी कोरोना लसीकरणाचे लक्ष्य गाठले

‘प्रोटोकॉल’नुसार, मुख्यमंत्र्यांसह कोणत्याही मंत्र्याला अधिकृत परदेश दौऱ्यासाठी गृहमंत्रालयाची परवानगी घ्यावी लागते. मंजुरीची फाईल लेफ्टनंट गव्हर्नर कार्यालयामार्फत गृह मंत्रालयाकडे पाठवली जाते. दिल्ली सरकारच्या अनेक महत्त्वाच्या फायलींना उपराज्यपाल विनय कुमार सक्सेना यांनी मंजुरी दिलेली नाही. यात मुख्यमंत्री अरविंद केजरीवाल यांच्या सिंगापूर दौऱ्याच्या फायलीचाही समावेश आहे, असे अधिकाऱ्याचे म्हणणे आहे.

दिल्लीशी संबंधित लहानमोठ्या बाबी दीर्घकाळ प्रलंबित ठेवल्या जात आहेत. ज्यामुळे सार्वजनिक कामांना विलंब होत आहे. मुख्यमंत्री अरविंद केजरीवाल सिंगापूर येथे होणाऱ्या वर्ल्ड सिटी कॉन्फरन्सला दिल्लीतील प्रशासनाचे मॉडेल सादर करण्यासाठी जाणार आहे. मात्र, उपराज्यपालांनी अद्याप फाईल मंजूर केलेली नाही, असे एका सूत्राने सांगितले.

Web Title: Arvind Kejriwal Narendra Modi Singapore Tour Wrote Letter

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..