DNLA च्या 7 दहशतवाद्यांचा खात्मा; सुरक्षा दलाची कारवाई

दिसपूर- आसाममध्ये सुरक्षा दलांच्या कारवाईत दिमासा राष्ट्रीय नॅशनल आर्मीचे Dimasa National Liberation Army (DNLA) 7 कॅडर मारले गेले आहेत. पोलिसांनी दिलेल्या माहितीनुसार, कार्बी अंगलाँग जिल्ह्यात रविवारी झालेल्या चकमकीत DNLA च्या सहा कॅडरचा खात्मा करण्यात आला. याठिकाणाहून मोठ्या प्रमाणात शस्त्रसाठा जप्त करण्यात आला आहे. 'हिंदूस्तान टाईम्स'ने यासंदर्भातील वृत्त दिलंय. (Assam 6 cadres of rebel outfit DNLA killed in encounter security forces )

रविवारी सकाळी सुरु करण्यात आलेल्या या ऑपरेशनमध्ये आसाम पोलिस आणि आसाम रायफल्सनी सहभाग घेतला होता, यात DNLA चे 7दहशतवादी धनसिरी भागात मारले गेले आहेत. स्पेशल डायरेक्टर जनरल ऑफ पोलिस जीपी सिंह यांनी दिलेल्या माहितीनुसार, 'घटनास्थळावरुन मोठ्या प्रमाणात शस्त्र जप्त करण्यात आले आहेत. कार्बी अंगलाँग आणि दिमा हसाव पोलिसांनी या ऑपरेशनमध्ये भाग घेतला होता'. DNLA कॅडरच्या दहशतवाद्यासंबंधी आणि त्यांचा कोणत्या परिस्थितीत एनकाऊन्टर करण्यात आला याबाबत अधिकची माहिती मिळालेली नाही.

दरम्यान, दिमासा राष्ट्रीय नॅशनल आर्मीची स्थापना दोन वर्षांपूर्वी करण्यात आली होती. दिमासा जमातीसाठी एका सार्वभौम आणि स्वतंत्र्य राष्ट्राची निर्मिती करणे DNLA चे उद्धिष्ट आहे. नाईसोडाव दिमासा Naisodao Dimasa हा संघटेचा प्रमुख आहे, तक खरमिनडाव दिमासा गृहसचिव आहे.