चेन्नई: तमिळनाडूचे मुख्यमंत्री एम. के. स्टॅलिन यांच्या आत्मचरित्राच्या पहिल्या खंडाचे प्रकाशन २८ फेब्रुवारी रोजी काँग्रेस नेते राहुल गांधी यांच्याहस्ते होईल. उंगलील ओरूवन असे आत्मचरित्राचे नाव आहे. तुमच्यातलाच एक असा या तमीळ शब्दांचा अर्थ आहे. या कार्यक्रमास जम्मू-काश्मीरचे माजी मुख्यमंत्री उमर अब्दुल्ला, केरळचे मुख्यमंत्री पिनरायी विजयन, बिहारचे विरोधी पक्षनेते तेजस्वीप्रसाद यादव आदी मान्यवर उपस्थित राहतील. (Rahul Gandhi)
नामवंत कवी-गीतकार वैरामुथू, अभिनेते सत्यराज, यांच्यासह विविध क्षेत्रांतील नामवंतांना आमंत्रित करण्यात आले आहे. स्टॅलिन यांचा जन्म १९५३ मध्ये झाला. पहिल्या खंडात त्यांनी आयुष्यातील १९७६ पर्यंतच्या वाटचालीचा आढावा घेतला आहे. त्यांनी सांगितले की, शालेय, महाविद्यालयीन जीवन, राजकारणातील प्रवेश, विवाह तसेच आणीबाणीचा खडतर कालखंड याविषयी मी लिहिले आहे.
विशी-पंचविशीपर्यंतच्या वाटचालीमधील क्षणांना उजाळा देताना मला आपले नेते, त्यांचे धोरण याविषयी अभिमान वाटतो. त्याचवेळी पक्षाने प्रगती करण्यासाठी केलेला संघर्ष पाहून मी भावुक होतो, असंही एमके स्टॅलिन यांनी म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
