प्राध्यापक रतनलाल यांना जामीन मंजूर | Sakal
sakal

बोलून बातमी शोधा

Ratnlal

प्राध्यापक रतनलाल यांना जामीन मंजूर

नवी दिल्ली - वाराणसीतील ज्ञानवापी मशिदीत सापडलेल्या शिवलिंगाबाबत वादग्रस्त ट्विट केल्याने अटकेत असलेले दिल्ली विद्यापीठातील प्राध्यापक रतनलाल यांना शनिवारी सायंकाळी जामीन मंजूर करण्यात आला. त्यांनी सोशल मीडियावर वादग्रस्त ट्विट केले होते आणि त्यावरून खूप टीका झाली. त्यांच्याविरोधात धार्मिक भावना दुखावल्याचा आरोप करण्यात आला होता. त्यांच्याविरुद्ध विनीत जिंदाल या वकिलाने तक्रार केली होती.

यादरम्यान हिंदू महाविद्यालयात अध्यापन करणारे प्रा. रतनलाल यांच्या अटकेच्या निषेधार्थ विद्यार्थी संघटना पुढे आल्या. उत्तर दिल्ली पोलिस ठाण्याबाहेर विद्यार्थी व महाविद्यालयीन शिक्षकांनीही निदर्शने केली. यावेळी त्यांनी रतनलाल यांना जामीन न मिळाल्यास शिक्षण मंत्रालयासमोर (शास्त्री भवन) तीव्र आंदोलन करण्याचा इशारा दिला होता.

दिल्ली पोलिसांनी रतनलाल यांना आज न्यायालयासमोर हजर केले आणि त्यांना जामीन मंजूर करण्यात आला. रतनलाल यांना दिल्ली पोलिसांच्या सायबर शाखेने मॉरीसनगर येथील निवासस्थानातून अटक केली होती.

Web Title: Bail Granted To Professor Ratanlal

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top