BJP candidates in UP | UP निवडणुकांसाठी भाजपची पहिली यादी जाहीर, योगींचा मतदारसंघ ठरला | Sakal
sakal

बोलून बातमी शोधा

yogi adityanath

UP निवडणुकांसाठी भाजपची पहिली यादी जाहीर, योगींचा मतदारसंघ ठरला

यावर्षी देशातील पाच राज्यांमध्ये विधानसभेच्या निवडणुका पार पडणार आहे. यामध्ये सर्वात मोठं राज्य म्हणजे उत्तर प्रदेशच्या देखील निवडणुका आहेत. सात टप्प्यात पार पडणाऱ्या निवडणुकांसठी काँग्रेसने पहिल्यांदा 125 उमेदवारांची यादी जाहीर केली होती. (Uttar Pradesh Election 2022)

त्यानंतर सपा आणि बसपाची यादी देखील आली आहे. त्या मागोमाग लगेच भारतीय जनता पार्टीची यादी जाहीर झाली आहे. यामध्ये ५७ नावांचा समावेश आहे. विद्यमान मुख्यमंत्री योगी आदित्यनाथ यांचा मतदारसंघावरही शिक्कामोर्तब झालं आहे.पहिल्या टप्प्यात 57/58 आणि दुसऱ्या टप्प्यात 38/55 जागांवर उमेदवारांची यादी जाहीर करत असल्याची माहिती केंद्रीय मंत्री धर्मेंद्र प्रधान यांनी दिली.

विद्यमान मुख्यमंत्री योगी आदित्यनाथ कोणत्या मतदारसंघातून निवडणूक लढणार याकडे सगळ्यांचं लक्ष्य लागलं होतं. अखेर त्यांच्यासाठी गोरखपूर शहर हा मतदारसंघ राखीव करण्यात आला आहे. योगी याआधी गोरखपूरच्या पारंपारिक मतदरासंघातून संसदेत जात होते. त्यांच्याशी संबंधित मठाचा हा मतदारसंघ आहे. आता विधानसभेला देखील ते याच ठिकाणाहून निवडणूक अर्ज भरणार आहेत. तर उपमुख्यमंत्री केशव प्रसाद मौर्य हे प्रयागराज जिल्ह्यातील सिरथू मतदारसंघातून मैदानात उतरणार आहेत.

पाच राज्यांसाठी निवडणुकांचं बिगूल

दरम्यान, उत्तर प्रदेशमध्ये, पंजाब, उत्तराखंड, मणिपूर आणि गोवा या पाच राज्यांत निवडणुकांच्या रणधुमाळीला सुरूवात झाली आहे. येत्या काळात या राज्यांत विधानसभा निवडणुका (Assembly Elections 2022) पार पडणार आहेत. या निवडणुकांसाठी तब्बल 690 जागांसाठी मतदान पार पडणार आहे. मात्र या निडणुकांमध्ये कोरोनाचंही निवडणूक आयोगासमोर आव्हान(Election Commission of India) आहे. या निवडणुकांच्या पार्श्वभूमीवर आज निवडणून आयोग महत्वाचा निर्णय जाहीर करणार आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top