Gujarat : बनावट दारू प्यायल्याने गुजरातमध्ये 19 जणांचा मृत्यू, 30 जणांची आयुष्याशी झुंज सुरू | Sakal
sakal

बोलून बातमी शोधा

liquor

सध्या 30 जणांवर विविध रुग्णालयात उपचार सुरू आहेत.

Gujarat : बनावट दारू प्यायल्याने गुजरातमध्ये 19 जणांचा मृत्यू, 30 जणांची आयुष्याशी झुंज सुरू

गुजरातमधील बोताड जिल्ह्यातील (Botad District Gujarat) रोजिद गावात (Rojid Village) बनावट दारू पिऊन मृत्यूमुखी पडणाऱ्यांची संख्या वाढत आहे. राज्यात दारूबंदी (liquor) असतानाही या दुर्घटनेत आतापर्यंत 19 जणांचा मृत्यू झाला असून 30 जण रुग्णालयात दाखल आहेत.

तर, दुसरीकडं भूपेंद्र पटेल (Bhupendra Patel) सरकार (BJP Government) सातत्यानं लक्ष ठेवून आहे. सोमवारी सीएम पटेल यांनी उच्चस्तरीय बैठक घेऊन अधिकाऱ्यांना पुढील कार्यवाहीचे निर्देश दिलेत. गुजरात पोलिसांच्या (Gujarat Police) एका वरिष्ठ अधिकाऱ्यानं सांगितलं की, 'काही रुग्णांची प्रकृती चिंताजनक आहे. याप्रकरणी पोलिसांनी 10 जणांना ताब्यात घेतलंय. गुजरात दहशतवाद विरोधी पथक (ATS) आणि अहमदाबाद गुन्हे शाखा देखील तपासात सामील झाले आहेत.'

हेही वाचा: ED Inquiry : सोनिया गांधींची 'ईडी'कडून आज पुन्हा चौकशी; राजघाटवर कलम 144 लागू

काहींची प्रकृती चिंताजनक

पोलीस सूत्रांनी दिलेल्या माहितीनुसार, सध्या 30 जणांवर विविध रुग्णालयात उपचार सुरू आहेत, त्यापैकी बहुतांश जण भावनगर येथील सर तख्तसिंहजी रुग्णालयात दाखल आहेत. त्यातील काहींची प्रकृती चिंताजनक आहे. या प्रकरणी आकस्मिक मृत्यूची नोंद करण्यात आली असून काही जणांना चौकशीसाठी ताब्यात घेण्यात आल्याचं पोलिसांनी सांगितलं.

हेही वाचा: 5G Spectrum Auction : देशात आजपासून सुरू होणार 5G स्पेक्ट्रमचा लिलाव

सीएम पटेलांनी घेतली उच्चस्तरीय बैठक

दरम्यान, या दुर्घटनेचं वृत्त गांधीनगरमध्ये पोहोचताच मुख्यमंत्री भूपेंद्र पटेल यांनी उच्चस्तरीय बैठक बोलावली. सूत्रांनी दिलेल्या माहितीनुसार, वरिष्ठ पोलिस अधिकारी, फॉरेन्सिक तज्ज्ञ आणि आरोग्य अधिकाऱ्यांना परिस्थितीचा आढावा घेण्यासाठी बोताडला जाण्याचे निर्देश देण्यात आले आहेत.

Web Title: Bjp Government Death Toll From Drinking Spurious Liquor In Gujarat Rises To 19 Bhupendra Patel

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..