"समीर वानखेडेंसाठी भाजप नेत्यांकडून दिल्लीत लॉबींग"

एनसीबी अधिकारी समीर वानखेडे (Sameer Wankhede) यांच्यासाठी महाराष्ट्रातील मोठे भाजपनेते (Delhi) दिल्लीत लॉबींग करताय असा गंभीर आरोप नवाब मलिकांनी (Nawab Malik) आज केला. त्यामुळे गेल्या काही दिवसांपासून शांत असलेल्या नवाब मलिक यांनी नव्या वर्षाच्या सुरुवातीला पुन्हा एकदा एनसीबी आणि समीर वानखेडे यांच्यासह भाजपवरही (BJP) गंभीर आरोप केले आहेत. नवाब मलिक यांनी आज पत्रकार परिषद घेऊन समीर वानखेडे यांच्यासाठी महाराष्ट्रातील भाजपनेते दिल्लीत लॉबींग करत असल्याचा आरोप केला.

समीर वानखेडे यांचा एनसीबी प्रमुख पदाचा कार्यकाळ संपला आहे. आपण मुदतवाढ मागत नसल्याचं समीर वानखेडे म्हणाले. मात्र भाजपचे काही मोठे नेते त्यांना इथे ठेवण्यासाठी दिल्लीत गृह विभागात लॉबींग करत असल्याचा आरोप नवाब मलिकांनी केला. त्यामुळे या वसुली गँगमध्ये भाजपचाही वाटा आहे का? असा प्रश्न उपस्थित करत जर वानखेडे इथे राहीलेच तर मी त्यांचे आणखी फर्जीवाडे समोर आणेल असं नवाब मलिक म्हणाले.

एनसीबीने या प्रकरणात योग्य कारवाई न केल्याचा आरोप करत त्यांनी NCB फर्जीवाड्याची मर्यादा ओलांडत असल्या आरोप केला. नवाब मलिक म्हणाले. के.पी. गोसावी, भानूशाली, बोगस कागदांवर सही घेणे, खोटे पंच तयार करणे हे सर्व फर्जीवाडे समोर आणल्यावर एनसीबीने चौकशी समिती स्थापन केली मात्र त्यांनी काहीही कारवाई केली नसल्याचं दिसतंय. त्यामुळे आपण आणखी फर्जीवाडे बाहेर काढू आणि या प्रकरणाचा लॉजीकल एंड करू असं ते म्हणाले.