Video: ...म्हणून भाजप आमदाराने चिखलात बसून वाजवला शंख

bjp mp sukhbir singh jaunapuria claims mud pack for corona virus video viral
bjp mp sukhbir singh jaunapuria claims mud pack for corona virus video viral

मधोपूर (राजस्थान): भारतीय जनता पक्षाचे मधोपूर येथील खासदार सुखबीर सिंग जौनापुरिया हे कोरोनापासून बचाव होण्यासाठी चिखलात बसून अंगाला चिखल लावला आणि शंख वाजवला. संबंधित व्हिडिओ सोशल मीडियावर व्हायरल झाला आहे.

जगभरात कोरोना व्हायरसने धुमाकूळ घातला असून, अनेकांना जीव गमवावा लागला आहे. कोरोनावर लस शोधण्यासाठी युद्धपातळीवर प्रयत्न सुरू आहेत. मात्र, जौनापुरिया यांनी कोरोनाला पळवून लावण्यासाठी चिखलात बसणे हा उत्तम उपाय असल्याचा दावा केला आहे. संबंधित व्हिडिओ व्हायरल झाल्यानंतर नेटिझन्सन प्रतिक्रियांच्या माध्यमातून व्यक्त होत आहेत. व्हायरल झालेल्या व्हिडिओमध्ये जौनापुरिया हे चिखलात बसले आहेत. अंगाला चिखल लावून शंख वाजवत आहेत. त्यांनी कोरोनाला पळवून लावण्यासाठी व शरीराची प्रतिकारक क्षमता वाढविण्यासाठी हा उत्तम उपाय असल्याचा दावा केला आहे. यापूर्वीही 21 जून रोजी योगा दिना निमित्त शरीराला चिखल लावत योगा केला होता.

दरम्यान, काही दिवसांपूर्वी भाजपचे केंद्रीय मंत्री अर्जुन राम मेघवाल यांनी 'भाभीजी पापड' खाल्याने प्रतिकारक क्षमता वाढते असा दावा केला होता. त्याआधी भोपाळचे भाजप खासदार साध्वी प्रज्ञा सिंह ठाकूर यांनी दररोज हनुमान चलिसा म्हणा व कोरोना पळवा असा सल्ला दिला होता. आता जौनापुरिया यांनीही चिखलात बसणे हा उत्तम उपाय असल्याचा दावा केला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com