नड्डांची भाजप नेत्यांशी चर्चा;पक्षांतर्गत मतभेद मिटविण्याची सूचना 

नड्डांची भाजप नेत्यांशी चर्चा;पक्षांतर्गत मतभेद मिटविण्याची सूचना 

नवी दिल्ली - भाजपचे राष्ट्रीय अध्यक्ष जे.पी नड्डा यांनी काल विरोधी पक्षांची सरकारे असलेल्या महाराष्ट्र व राजस्थानातील भाजप नेत्यांशी स्वतंत्र फेऱ्यांद्वारे चर्चा केली. या चर्चेचे तपशील कळलेले नसले तरी प्रामुख्याने राज्य पातळीवरील पक्षांतर्गत मतभेद कमी कसे करायचे आणि त्याचबरोबर राज्याची एकंदर राजकीय परिस्थिती या मुद्यांवर प्रामुख्याने विचारविनिमय झाल्याचे समजते. 

नड्डा यांनी  काल प्रथम राजस्थानातील भाजप नेत्यांबरोबर दीर्घ चर्चा केली. सुमारे दोन तास ही चर्चा झाली. यानंतर सायंकाळी महाराष्ट्रातील भाजप नेत्यांबरोबर त्यांनी महाराष्ट्रातील राजकीय परिस्थिती, महाविकास आघाडीचा एकंदर राज्यकारभार याबाबत चर्चा केल्याचे समजते. याच बरोबर महाराष्ट्रात भाजपअंतर्गत असलेल्या मतभेदांची दखल घेऊन त्यांनी ते कमी करण्याबाबत पावले उचलण्याची सूचना या नेत्यांना केल्याचे समजते. माजी मुख्यमंत्री देवेंद्र फडणवीस, प्रदेशाध्यक्ष चंद्रकांत पाटील, माजी अर्थमंत्री सुधीर मुनगंटीवार या चर्चेत सहभागी झाले होते. सरचिटणीस व्ही.सतीशही यावेळी उपस्थित होते. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com