नेपाळच्या नाईटक्लबमध्ये दिसले राहुल गांधी, व्हिडिओ शेअर करत भाजपची टीका | Sakal
sakal

बोलून बातमी शोधा

ahul Gandhi Spotted in Nightclub

नेपाळच्या नाईटक्लबमध्ये दिसले राहुल गांधी, व्हिडिओ शेअर करत भाजपची टीका

नवी दिल्ली : काँग्रेसचे माजी अध्यक्ष राहुल गांधी (Rahul Gandhi) सध्या नेपाळच्या दौऱ्यावर आहेत. राहुल गांधींच्या नेपाळ दौऱ्यातील एक व्हिडिओ सोशल मीडियावर चांगलाच व्हायरल होत आहे. यामध्ये ते काठमांडूमधील नाईट क्लबमध्ये दिसत आहेत. हा व्हिडिओ ट्विट करून भाजपने (Congress) काँग्रेस आणि राहुल गांधींवर हल्लाबोल केला आहे. हा व्हिडिओ नेपाळच्या लॉर्ड ऑफ द ड्रिंक्सचा असल्याचे सांगण्यात येत आहे.

हेही वाचा: मोदींचा आठ वर्षांचा कार्यकाळ म्हणजे एक 'केस स्टडी' : राहुल गांधी

भाजपचे सोशल मीडिया प्रभारी अमित मालवीय यांनी ट्विट करून हा व्हिडिओ शेअर केला आहे. मुंबईवर हल्ला झाला तेव्हा राहुल गांधी नाईट क्लबमध्येच होते. आता त्यांचा पक्ष अडचणीत आला असतानाही ते नाईट क्लबमध्येच आहेत, असं मालवीय म्हणाले.

भाजपचे प्रवक्ते शहजाद पूनावाला म्हणाले की, राहुल गांधी काय करत आहेत ही त्यांची वैयक्तिक बाब आहे. पण राजस्थानच्या जोधपूरमध्ये हिंसाचार होत असताना राजस्थानमध्ये काँग्रेसचे सरकार आहे, राजस्थान जळत आहे. यावर चिंता व्यक्त करण्याऐवजी राहुल गांधी नेपाळमधील नाईट क्लबमध्ये पार्टी करताना दिसत आहेत. त्यांनी भारतातील लोकांसोबत त्यांच्या समस्या जाणून घेतल्या पाहिजेत, असं ते म्हणाले.

दरम्यान, किरण रिजजू यांनी देखील राहुल गांधींचा व्हिडिओ शेअर करत निशाणा साधला. सुट्टी, पार्टी, हॉलिडे, पिकनिक, खासगी टूर या गोष्टी आता देशासाठी नवीन नाहीत, असं रिजजू म्हणाले.

Web Title: Bjp Tweeted Rahul Gandhi Spotted In Nighclub Of Nepal

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :BjpRahul Gandhi
go to top